Wan Konfrens Mesej we I Kam long Profet
Bilif Bae I Muvumaot Ol Bigfala Hil
I Kam long Presiden Russell M. Nelson
Oli jenisim aot long toktok ia: “Kraes I Girap Finis; Bilif long Hem bae I Muvumaot Ol Bigfala Hil,” Liahona, Mei 2021.
Evri samting we i gud long laef—i stat wetem fet. Long Baebol, Jisas i promesem se, sapos “yumi gat bilif we i olsem wan masted sid,” bambae yumi save muvumaot ol bigfala hil (Matiu 17:20). Ol bigfala hil blong yu, maet oli fasin blong stap yuwan, tu tingting, sik, o ol nara problem blong yu.
Masted sid i ripresentem wan fet we i smol, be i stap gro i kam bigwan. Smol sid blong masted ia i stat smol, be i gro i kam wan bigfala tri we i bigwan inaf blong ol pijin oli mekem bed long ol branj blong hem. Mi askem yu blong stat tedei blong mekem bilif blong yu i kam bigwan moa. Hemia samfala wei we yu save bildimap fet mo tras blong yu.
-
Lanem abaot Jisas Kraes taem yu ridim ol skripja. Lanem abaot ol merikel blong Hem.
-
Jusum blong biliv long Hem. Tingting abaot Hem evri dei.
-
Mekem samting wetem fet. Kasem baptaes mo tekem sakramen.
-
Askem Papa long Heven blong helpem yu.
Bilif blong yu long Jisas Kraes bae i muvumaot ol bigfala hil. Fet blong yu, bae i help blong tanem ol jalenj blong yu oli kam ol taem blong janis.