Stap Help Olsem Jisas

Jisas I Mekem Ol Narawan Oli Pat

Wan dei, wan grup blong ol pikinini oli kam blong luk Jisas Kraes. Ol man blong folem Jisas oli talem long ol pikinini ia blong gowe. Be Jisas i talem: “Yufala i letem olgeta oli kam long mi” (Mak 10:14). Hem i no wantem lego olgeta i stap. Hem i wantem spendem taem wetem olgeta from se Hem i lavem olgeta.

Sevya i karem ol pikinini long han blong Hem. Hem i blesem olgeta. Hem i helpem olgeta blong filim se oli impoten.

Yu save ridim ful stori insaed long Luk 18:15–17 mo Mak 10:13–16.

Mi Save Mekem wan Niu Fren

• Lukaotem wan man we yu save mo mit wetem hem.

• Mekem wan plan blong stap olsem wan fren long olgeta.

• !Mekem plan blong yu!

• Katemaot kad ia blong hem i mekem yu tingbaot blong gohed blong stap help semmak olsem Jisas i bin mekem.

Mi filim se mi stap miwan long brektaem, mekem se mi askem wan man sapos hem i save pleplei wetem mi. Mitufala i stat blong pleplei wetem jok, mo fulap moa man i kam, mo !i bin wan gud taem! Sapos yu filim se yu stap yuwan, !yu save askem wan man blong pleplei wetem yu!

Kanyin P., 8 yia, Kolorado, YSA

?Long wanem wei nao yu stap traem blong stap olsem Jisas taem yu stap helpem ol narawan? !Yu raet mo yu talem long mifala! Go long kova long bak blong luk olsem wanem blong mekem.