Ol Han blong Help Raon long Wol
Mitim Shilohwe i kam long Filipin
Mitim ol Praemeri pikinini oli stap helpem ol nara man, semmak olsem Jisas i mekem.
Evri samting abaot Shiloh
Yia: 7
Hem i blong: Filipin
Lanwis we hem i toktok: Filipino, Inglis
Famli: Mama, Papa, mo tri bigfala brata mo sista
Ol gol mo drim: 1) Oltaem givim seves long ol narawan.2) Kam wan man blong danis.3) Kam wan man blong kuk we i gat sakses.
Ol Han blong Help blong Shiloh
Shiloh i lavem blong helpem ol pipol weaples hem i go long hem. Hem i gud fren wetem ol fren blong hem long skul. I nomata olsem wanem oli defdefren long olgeta. !Hem i save se evri man i wan pikinini blong God! Shiloh i gat wan sik we oli singaotem Daon Sindrom, mo fren blong hem we i moa kolosap long hem, Kharl, i no save wokbaot. Oltaem Shiloh i stap helpem Kharl wetem wiljea blong hem.
Oltaem Shiloh i wantem blong pleplei wetem evriwan, iven ol pikinini we hem i no save olgeta yet. Hem i laekem tumas blong gat ol niu fren. Wan taem, taem famli blong hem i go visitim Manila Filipin Tempol, hem i luk wan gel insaed long rum blong stap wet, we gel ia i nogat wan blong pleplei wetem. Hem i go mo stat blong pleplei wetem hem. Hem i iven serem tablet blong hem wetem gel ia.
Ol Fevret Samting blong Shiloh
Ples: Plei graon
Stori abaot Jisas: Taem Hem i blesem ol smol pikinini
Praemeri singsing: “Keep the Commandments“ (Children’s Songbook, 146–47)
Kaekae: Poteto jip, fis, ol eg, mo raes
Kala: Blu
Topik long Skul: Matematik
Hemia Shiloh wetem sam fren blong hem.