You i raetem stori ia

!Mi Bin Plei wan Hym!

I kam long Raihau T., 11 yia, Tahiti, Franis Polinesia

Fas taem we mi bin harem bigfala brata blong mi Alan i plei piano long sakramen miting, mi bin wantem mekem semmak samting. Hemia i bin kam wan long ol Pikinini mo Yut gol blong mi, blong plei wan hym long sakramen miting.

Stat long taem ia, mi stap stadi long piano wetem anggel blong mi, Ken. Evri dei mi traem blong praktis blong 30 minit. Afta long 10 manis, mi save plei hym blong “Prea blong Josef Smit” (STSP ol pej 14–15).

Afta, KOVID-19 i kam. Ol lida blong jos oli stopem ol miting long Sandei. Oli talem se bae mifala i jos long haos. Mama mo Papa i givim wan asaenmen long wanwan long mifala. Oli askem mi blong plei opening singsing, mo mi plei “Prea blong Josef Smit.” !Mi bin save winim gol blong mi blong plei wan hym long sakramen miting! Mi save filim Spirit long hom blong mifala.