សារលិខិតសន្និសីទមកពីព្យាការី

សេចក្តីជំនឿនឹងរើភ្នំចេញបាន

ដោយ ប្រធាន រ័សុល អិម ណិលសុន

បានដកស្រង់ចេញពី « ព្រះគ្រីស្ទមានព្រះជន្មរស់ឡើងវិញ សេចក្តីជំនឿលើទ្រង់នឹងរើភ្នំចេញបាន » លីអាហូណា ខែ ឧសភា ឆ្នាំ ២០២១ ។

អ្វីៗគ្រប់យ៉ាងដែលល្អក្នុងជីវិត—គ្រប់ពរជ័យ—ចាប់ផ្ដើមដោយសេចក្ដីជំនឿ ។ នៅក្នុងព្រះគម្ពីរប៊ីប ព្រះយេស៊ូវបានសន្យាថា ប្រសិនបើយើង « មានសេចក្តីជំនឿ ដូចគ្រាប់ពូជមួយយ៉ាងល្អិត » នោះយើងអាចរើភ្នំចេញបាន ( ម៉ាថាយ ១៧:២០ ) ។ ភ្នំរបស់បងប្អូនអាចជាភាពឯកោ ភាពសង្ស័យ ជំងឺ ឬបញ្ហាផ្សេងៗទៀត ។

គ្រាប់ពូជនេះតំណាងឲ្យសេចក្ដីជំនឿដ៏តូច ប៉ុន្ដែវាបន្ដរីកចម្រើន ។ គ្រាប់ពូជមួយនេះតូចមែន ប៉ុន្ដែវាធំទៅជាដើមឈើដ៏ធំមួយ ល្មមឲ្យបក្សាបក្សីធ្វើសំបុកលើមែកវាបាន ។ ខ្ញុំសូមឲ្យបងប្អូនបង្កើនសេចក្ដីជំនឿរបស់បងប្អូន ។ នេះគឺជារបៀបមួយចំនួនដែលបងប្អូនអាចស្ថាបនាសេចក្តីជំនឿ និងទំនុកចិត្តរបស់បងប្អូន ។

រៀនអំពីព្រះយេស៊ូវគ្រីស្ទ តាមរយៈការអានព្រះគម្ពីរទាំងឡាយ ។ សូមរៀនអំពីអព្ភូតហេតុរបស់ទ្រង់ ។
សូមជ្រើសរើសជឿលើទ្រង់ ។ សូមគិតអំពីទ្រង់ជារៀងរាល់ថ្ងៃ ។
ធ្វើសកម្មភាពដោយសេចក្ដីជំនឿ ។ ទទួលបុណ្យជ្រមុជទឹក និងទទួលទានសាក្រាម៉ង់ ។
ចូរទូលសូមជំនួយពីព្រះវរបិតាសួគ៌ដើម្បីជួយបងប្អូន ។

សេចក្តីជំនឿលើព្រះយេស៊ូវគ្រីស្ទនឹងរើភ្នំចេញបាន ។ សេចក្ដីជំនឿ នឹងជួយបងប្អូនឲ្យបង្វែរឧបសគ្គទៅជាឱកាសដ៏អស្ចារ្យ ។