Mai na Mataveiliutaki Taumada

Mo Yalo Loloma

Mai vei Peresitedi Dallin H. Oaks

iMatai ni Daunivakasala ena Mataveiliutaki Taumada

Tauri mai na “iTubutubu kei na Gonelalai,” Ensign se Liaona, Nove. 2018, 61–67.

Au kila e dua na cauravou ka a isenivalu tu. E dua na ilawalawa itabagone era dau vakatanini koya ni duatani tu. Era dau vakalialiai koya baleta ni duatani na vosa e vosataka. E sega ni marautaka na Tamada Vakalomalagi kevaka eda sega ni yalo loloma se vakarautaka na itovo ca vei ira na tani. Eda sega ni yalo loloma kevaka eda vakaqasena e dua tale na tamata, se saqata e dua kei ira na nomu ilawalawa, se biliraki ira tani.

Kemuni na gone lomani, na noda vuravura e gadreva na nomuni vinaka kei na loloma. Ni dau veilomani vakataki kemuni. E vakavuvulitaka vei keda o Jisu me da cakava vei ira na tani na veika eda vinakata me caka vei keda. Ni da saga ena noda i gu taucoko me da yalo loloma, eda sa toro voleka kina Vua.

Kevaka o sega ni dau yalo loloma vua e dua —o iko duadua se vaka ilawalawa—yalataka oqo mo veisau. Vakauqeti ira tale eso me ra veisau talega.

Au vakadinadinataki Jisu Karisito, na noda iVakabula, o koya a vakavulica vei keda me da veilomani me vaka ni sa lomani keda o Koya. Sa noqu masu ni da na vakayacora vakakina.

Na Sala mo Rawata kina e dua na iTokani Vou

O vakaraitaka vakacava na nomu yalovinaka vua e dua na tamata vou? Vakacava ke ra lewe ni dua tale na matanitu? Ena veikalawa yadua, vakalewena kina e dua na nomu vakasama vakai iko.

Matadredredre ka vaka bula.
- “Bula! O cei na yacamu?”
- “Au marautaka ni ko lewe ni neitou kalasi.”
- ________________________________
Vakasamataka se cava era na vakila:
- E madua baleta ni sa sega na nodra itokani se era vosataka e dua na vosa tani.
- Rarawa baleta ni ra vakanananu i vale.
- Lomaleqa baleta ni ______________________.
Sureti ira.
- “O via qito vata beka kei keitou?”
- “Tou dabe vata mada.”
- ____________________________
Mo yalololoma ka dau veivukei.
- “Ko vinakata beka me daru vakasigalevu vata?”
- “Oqo na ka eda na cakava tarava.”
- _______________________________
Vuli mai vei ira.
- “Na cava na nomu qito taleitaki?”
- “O na kaya vakacava o ya ena nomu vosa?”
- _________________________________
Kevaka o raica ni ra qaravi tiko vakaca:
- Vosa cake ena vukudra.
- Vosa vei ira se qito vata kei ira.
- ____________________________