Taqomaki Iko

E dodonu mo qaravi ira kece na luvena na Tamada Vakalomalagi ena yalovinaka kei na veidokai. E dodonu talega mo namaka vei ira na tani me ra cakava vei iko ena sala vata ga o ya. Kevaka e dua e tovolea me vakamavoataki iko ena vosa se ivalavala, e sega ni DONU!

Kevaka o vakila ni o sega ni taqomaki …

1. Kaya sega. E sega ni gadrevi mo cakava e dua na ka ka vakilai ni cala se vakavuna mo logaloga ca kina. E RAWA mo kaya sega.

2. Vakarorogo ki na veika o vakila. Na Yalo Tabu e solia vei keda na ivakasala malua me vukei keda meda taqomaki. Kevaka o vakila ni dua na ka e cala, kakua ni vakaitavi kina, ka tovolea mo lako laivi ke o rawata.

3. Kakua ni maroroya na veika vuni e veivakamavoataki. Erau duidui na veivakidacalataki ena marau kei na dua na ka vunitaki e veivakamavoataki. Mo kakua ni maroroya e dua na ka vuni e veivakamavoataki, kevaka sara mada ga o yalataka.

4. Tukuna vua edua na qase o nuitaka. Kevaka e yaco e dua na ka ca se o vakila ni o rere, tukuna vua e dua e rawa ni vukei iko ena gauna sara ga oya, me vaka e dua na itubutubu, qasenivuli, se iliuliu ni Lotu.

O cei o rawa ni vosa vua ena gauna ni nomu leqa? Vola e dua na lisi ni tamata nuitaki eke:

Nanuma …

• O sa lomani ka bibi!

• E sega ni nomu cala kevaka e dua e cakava e dua na digidigi e vakamavoataki iko.

• Ko sega ni tiko duadua. Era tu e lewe vuqa e rawa me ra vukei iko.

• Na Tamada Vakalomalagi kei Jisu Karisito e rau kila na veika o vakila. E rawa ni Rau vukei iko.

Droini mai vei Jennifer Bricking