Veivukei me Vakataki Jisu

E Wasea o Jisu vei Ira Tale Eso

Ni sa tucake tale kina o Jisu, a raici iratou na Nona tisaipeli ni ratou siwa tiko ena dua na waqa. Eratou a sega ni siwata rawa e dua na ika. A tukuna vei iratou o Jisu me biuta na nodratou lawa ena yasa kadua ni waqa. Eratou sa rawata mai kina e levu na ika ka sa tekivu me bote na nodratou lawa! Eratou sa qai mai tomani Jisu ena vanua mamaca na nona tisaipeli. Eratou a dabe vata kei Koya e yasa ni dua na bukawaqa. A wasea o Jisu na madrai kei na ika vata kei iratou. A tarogi Pita, “O sa lomani au?” A qai kaya o Koya, “Vakani ira na noqu sipi.” E kena ibalebale ni vinakati Pita me wasea na kosipeli vei ira na tamata. E rawa ni da vakaraitaka na noda loloma vei Jisu ena noda veiwasei vata kei ira na tani, me vakataki koya.

Sa rawa mo wilika na italanoa oqo ena Joni 21:3–17.

Au Rawa ni Wasea

• Na cava e dua na ka o rawa ni wasea vua e dua tale?

• Cavuta e dua na masu ka cakava e dua na ituvatuva mo veivuke kina.

• Cakava na nomu ituvatuva!

• Kotiva na kadi oqo me vakananumi iko mo dau veivukei me vakataki Jisu.

O sa tovolea tiko vakacava mo vukei ira na tani, me vaka a cakava o Jisu? Vola ka tukuna mai vei keitou.

Au a veivuke ena caka bisikete kamica me baleti ira na neitou itokani vou. Na marama a vosa ga vaka Arapea, ia a sureti keitou yani ki loma. Keitou a vakayagataka vata e dua na gauna ka veikilai sara vakai keitou dina ga ni keitou a sega ni veikilai ivosavosa. Sa totoka dina o koya, kau vakila na vinaka e lomaqu.

Grayson C., yabaki 5, Abu Dhabi, United Arab Emirates

Droini mai vei Kamille Corry