Qito ena Vava ni iTuvatuva ni Veivakabulai

Qitotaka na qito oqo mo vulica na ituvatuva nei Tamada Vakalomalagi. Vakayagataka na bini se ilavo siliva me imau ni qito. Ena veigauna yadua, vaqiqica e dua na daisi se digia e dua na naba ka tosoya na nomu imau ena ilevu ni naba ka vakaraitaki. Ni sivia e dua na kalokalo na imatai ni tamata, wilika na vosa e loma ni kato. Ena ikarua ni gauna e sivia kina na kalokalo oya e dua, cakava na itaviqaravi.

Bula taumada: Eda a bula vata kei rau na noda itubutubu vakalomalagi. Eda a digitaka me da muri Jisu Karisito ka lako mai ki vuravura.

Lagata na “Mai Lomalagi Daru a dau Bula kina,” (iVolanisere ni Gonelalai 141).
Vuravura: Eda lako mai ki vuravura me da mai vakayago, vuli, ka tubu. Eda rawa nida digitaka na dodonu kei na ca.

Wilika na Alama 34:32.
Veisorovaki i Karisito: A lako mai ki vuravura o Jisu Karisito ka bulataka e dua na bula e taucoko. E kila o Koya na noda mosi. A sorovaki keda meda rawa kina ni veivutuni.

Lagata na “Tala Mai Na Luvena”.(iVolanisere ni Gonelalai, 20).
Vuravura ni Yalo: Ni da mate, na yaloda ena bula tikoga. O ira na tamata era sega ni vulica na kosipeli e vuravura e rawa ni ra vulica mai eke.

Wilika na Alama 40:11.
Tucaketale: Baleta ni a tucake tale mai na mate o Jisu, o keda kece eda na bula tale! Ena cokoti vata tale na yagoda kei na yaloda.

Lagata na “Ko Jisu Ni Sa Bula Tu?” (iVolanisere ni Gonelalai, 45).
Matanitu vakasilesitieli: Ena vukui Jisu Karisito, e rawa ni da yaco me vaka na Tamada Vakalomalagi ka bula vata kei na noda matavuvale me tawamudu.

Wilika na Vunau kei na Veiyalayalati 76:70.