iTokani ki na iTokani
Beti Yadudua na Vua ni Piji
Mai na veivakatarogi kei Amber Healey
Niu se goneyalewa lailai, rau a kauti keirau kei taciqu na noqu itubutubu ki na dua na loga ni vuanikau e taukena na Lotu. Keitou a tiko e kea me keitou veivuke ena kena beti na vua ni piji. Keirau kabata cake na ikabakaba balavu ka tawasea na draunikau vavaku me betia na piji mai vuna.
Taumada, keirau a nanamaki sara kina. Ia sega ni dede sa milamila na ligai keirau ena vuti ni piji! Keirau a tukuna vei tinai keirau, “Keirau sega ni via cakava na cakacaka oqo. Keirau sa via cegu.”
A tarogi keirau o nana se keirau kila na vanua e kau tiko kina na piji. Ni keirau kaya sega, a qai vakamacalataka mai vei keirau.
“Na vua ni piji yadua oqo e kau ki na dua na vale ka ra tawaitinitaka kina na voladia. Sa na qai soli na kakana tawaitini oqori vei ira na tamata era gadreva na kakana. Ena veiyabaki sa dau veisoliyaka na Lotu e udolu na kakana tawaitini.”
Vakasauri sara, keirau sa sega ni qai leqataka kei taciqu na milamila ni ligai keirau. Keitou a vukei ira tiko na tamata era gadreva na kakana! Ni oti o ya, a ka ni lasa sara vei keirau na kabata cake na ikabakaba me betia na vuanikau milamila roka senawanawa o ya.
Ena yabaki oqo keitou sa kerei kemuni mo ni vakaitavi ena dua na veisureti ni Liga ni Veivuke (raica na iTokani Janueri 2021). Na qaravi ira na tani ena ivakarau e veiqaravi kina na Karisito e dua vei ira na ka bibi duadua o rawa ni cakava. Sa nodra ivakarau bibi na gone mera raici ira era vakaleqai tu ka volodia mera veivuke. E dua na ivakaraitaki lailai ni veiqaravi ena sega beka ni rairai levu taumada. Ia kevaka era vakasaqara na gone taucoko e vuravura na sala me ra veiqaravi kina, ena kumukumuni vata me dua na ka veivakurabuitaki!
Droini mai vei Toby Newsome