Газар бүрийн анхдагчид
Динис хариултыг олсон
Динисийг хөрвөөхөд хоёр давхар орны матрас дуугарав. Тэр шөнөжингөө эргэж, хөрвөөсөн ч унтаж чадахгүй байлаа.
Номлогчдын буруу бол яах вэ? гэж тэр бодлоо. Хэрвээ энэ үнэн сүм огт үнэн биш бол яах вэ? Хэрэв би буруу замаар явж байгаа бол яах вэ? гэх мэт асуултууд түүнийг зовоож байлаа.
Динисийг 10 настай байхад буюу 2 жилийн өмнө түүний гэр бүл Сүмд нэгдсэн юм. Номлогчдыг тэдэнд анх заахад, заасан зүйл нь үнэн гэдгийг Динис шууд мэдэрсэн. Динис болон түүний гэр бүлийнхэн Португал дахь Сүмд нэгдсэн анхны хүмүүсийн нэг байв. Динис анхдагч байсан!
Гэхдээ сүүлийн үед түүний санаа зовних болжээ. Баптисм хүртсэн нь зөв сонголт биш байсан бол яах вэ?
Динис санаа зовж байгаа талаар ах, эгч нартаа, бүр эцэг эхдээ ч хэлээгүй юм. Гэвч өнөө шөнө тэр энэ талаар бодохгүй байж чадахгүй байлаа.
Тэр санаа алдав. Тэр орны ирмэгээс доош өнгийн харахад, орны доод давхарт ах нь унтаж байгаа нь сонсогдов. Динис ганцаархнаа мэт байлаа.
Сүм үнэн эсэхийг Бурханаас асуух хэрэгтэй гэдгийг тэр мэдэж байв. Тэр орныхоо голд өвдөг сөгдөн суув. Тэр толгойгоо гудайлган, залбирч эхэллээ.
“Бурхан минь гуйж байна. Иосеф Смит үнэхээр Таныг болон Есүсийг харсан эсэхийг надад мэдүүлээч” гэж тэр аяархан хэлэв.
Динис өмнө нь олон удаа залбирч байсан ч энэ удаа арай өөр байлаа. Тэр үнэхээр үүнийг мэдэх хэрэгтэй байсан. Тэр тусламж гуйн, урьд өмнө нь байгаагүйгээрээ хичээнгүйлэн залбирав.
“Миний буруу байгаасай гэж би хүсэхгүй байна. Аль нь зөв гэдгийг л мэдмээр байна” гэж тэр шивнэв.
Дараа нь Динис ямар нэгэн зүйл мэдэрчээ. Мэдрэмж нь хүчтэй бас дулаахан байлаа. Тэр үүнийг бүхэл биеэрээ мэдрэх хүртэл энэ мэдрэмж нь нэмэгдэв. Баяр баясгалангаар бялхаж байгаа мэт мэдрэмж түүнд төржээ.
Энэ мэдрэмж нь Ариун Сүнс гэдгийг Динис мэдэж байлаа. Бурхан түүний залбиралд хариулсан. Номлогчдын зөв байлаа. Иосеф Смит үнэхээр бошиглогч байсан. Баптисм хүртэх нь зүгээр ч нэг сайн сонголт байгаагүй. Энэ нь хамгийн сайн сонголт байжээ.
Динис дээш харан, тааз ширтэн хэвтэнэ. Тэр санаа зовохоо больсон байв. Тэр хөнжлөө нөмрөөд, дорхноо унтаад өгөв.
Динис том болсон ч хоёр давхар орныхоо дээр залбирсан тэр шөнийг санасаар байв. Тэрээр Есүс Христийн Сүмийн гишүүний хувьд зөв зам дээр явж байгаагаа мэдэж байсан. Мөн Тэнгэрлэг Эцэг түүний залбирлыг үргэлж сонсох болно гэдгийг тэр мэдэж байв.
Португал бол Европын баруун хэсэгт орших улс юм.
Португалд нэг ариун сүм байдаг. Энэ ариун сүмийг 2019 онцгойлон адисалжээ.
Дэлхий дээрх хамгийн эртний номын дэлгүүр Португалд байдаг.
Динис номлолын гэр дэх усан санд баптисм хүртэж байсан.
Тэрээр Испани, Португал, Африкийн эрэг орчмын арлуудад номлолд үйлчилсэн.
Динис болон түүний гурван ах бүгд нэгэн зэрэг номлолд үйлчилсэн!