Gaoioiga o le Sau, Mulimuli Mai ia te A’u

Mo afiafi faaleaiga, suesueina o tusitusiga paia, pe tau lava o le fiafia!

A‘e i le Apefa’i

girl drawing ladder with chalk on ground

Tala: Sa fai se miti a Iakopo e uiga i se apefai e tau atu i le lagi. O laasaga i luga o le apefa‘i e faatusa i laasaga tatou te faia e latalata atili atu ai i le Atua. (Tagai Kenese 28:10–16.)

Pese: “Tu Mo Le Mea Tonu,” (Tusipese a Tamaiti, 81)

Gaoioiga: Fai se apefa’i faafoliga i luga o le foloa i se sioka po o ni fasilaau. Feauaua’i e fai atu se mea se tasi tatou te folafola atu i le Tama Faalelagi pe a tatou papatiso. O taimi taitasi, fesiitai se laa se tasi i luma i luga o le apefa‘i. (Tagai Mataupu Faavae ma Feagaiga 20:77 ma le Mosaea 18:8–10.)

Fuafuaga o Sauniuniga

Mo Kenese 37–41

Tala: Sa fesoasoani Iosefa i tagata i Aikupito e saunia mo taimi faigata. E mafai ona e faitauina lenei tala i le itulau e 8 po o le Kenese 41.

Pese: “O Se Aiga Fiafia,” (Tusipese a Tamaiti, 104)

Gaoioiga: Fai se fuafuaga mo faalavelave faafuasei. Talanoa e uiga i auala e mafai ai e lou aiga ona saunia mo faalavelave faafuasei. O le a se mea e mafai ona e amata i le aso?

Loto Faamagalo

Mo Kenese 42–50

Tala: Sa agaleaga tele uso o Iosefa ia te ia. Ina ua mavae le tele o tausaga, sa ia toe vaai ia i latou. Sa ia vaaia ua sili atu lo latou lelei. Sa ia faamagalo i latou ma sa agalelei ia i latou. (Tagai Kenese 42; 45.)

Pese: “Ia Fealofani” (Tusipese a Tamaiti, 74)

Gaoioiga: Oti ni fatu mai pepa. I le tasi itu, tusi ai mea e mafai ona e fai atu pe fai e faatoese ai pe a e faatiga i se tasi. I le isi itu, tusi ai mea e mafai ona e fai atu pe faia e faamagalo atu ai i se tasi.

Ato o Auaunaga

Mo Esoto 1–6

Tala: A o pepe Mose, sa nana o ia e lona tina i totonu o se ato ina ia saogalemu ai o ia. Sa fesoasoani foi lona tuafafine e tausi o ia. Sa soifua a‘e o ia ma avea ma se perofeta. (Tagai i le Esoto 2:1–10.)

Pese: “’Foai,’ O si Auvai Lea” (Tusi Pese a Tamaiti, 116)

Gaoioiga: E mafai foi ona e fesoasoani i isi! Alu i le itulau e 12 e fai ai se ato pepa, e pei o le ato lea sa i ai Mose. I luga o ni fasipepa, tusi ai ni auala e mafai ona e auauna atu ai i isi. Ona tuu lea o pepa i totonu o le ato. Pe a e manao e fesoasoani i se tasi, filifili se fasi pepa ma fai le mea o loo fai mai ai.

Page from the March 2022 Friend Magazine.