O le a Se Mea o i Lou Mafaufau?
O nisi taimi matou te fefinauai ai ma nai o‘u tei ma misa. O le a se mea e mafai ona ou faia e fegalegaleai lelei ai ma i latou?
—Sad i Singapore
Talofa Sad,
O le galulue faatasi ma nai ou tei e mafai ona faigata. Ae e mafai ona e tatalo mo se fesoasoani ina ia onosai ma agalelei. Pe a e le malie iai, faataitai manatu nei ma faitau fuaiupu o mau mo nisi fesoasoani. Afai o loo faatiga se tasi o ou tei ia te oe, ia maua se fesoasoani mai se tagata matua i le taimi lava lena.
E mafai ona e faia!
O Le Uo
Fai sina malologa puupuu.
Savali ese ma manava loloto i totonu. Faitau ni mea se tolu e mafai ona e vaai i ai, ni mea se lua e mafai ona e faalogo i ai, ma le mea e tasi e mafai ona e lagonaina.
Fai ni filifiliga atamai o upu.
“Faataitai” au upu i lou ulu ae e te le’i fai leotele atu. O le a sou lagona pe afai e fai atu e se tasi na upu ia te oe?
Foia faatasi le faafitauli.
Fefaasoaai manatu ia lelei atili ai. Filifili po o le a le mea e mafai ona lua faia faatasi.
Filifili le agalelei.
Ona fesili ifo lea ia te oe lava, “O le a se mea e faia e Iesu?” Mafaufau i ni auala e mafai ona e faaalia ai le agalelei, e tusa lava pe e te lagona le le fiafia.
Ata na tusia e Hannah Li