O Se Mea Sese i Vali
“Talofa, Valerie!” sa fai atu ai Lucy. Sa tamoe atu o ia i le faletaalo e feiloai i lana uo. Sa la taaalo ma Valerie a o feiloai o la tina i le lotu.
Sa maua e Lucy ni vali. Sa ia filifilia se lanu piniki. Ae sa leai sana pepa e tusi ai. O lea sa ia tusia ai se laina piniki i luga o se nofoa. Sa foliga sesega ma aulelei le laina i luga o le uamea. Sa tilotilo atu Lucy ia Valerie ma ata.
Sa filifili e Valerie se vali lanu viole. Sa ia tusia se siepi minimini i luga o se isi nofoa. Sa ufitia e Lucy ma Valerie nofoa uma e lua i ni faailoga sesega.
E le’i umi ae sau Tina ma iloa atu ia tusitusiga. “Lucy!” Na fai atu ai Tina. “E te iloa e na o le pepa lava tatou te valivaliina!”
Sa tilotilo ifo Lucy i lalo o le eleele. Sa ia iloa o vali e mo na o pepa lava. Ae o le taimi lava na amata ai ona ia valivali, sa na o le … ua galo.
Sa tilotilo atu nei o ia i le nofoa. I ni nai vaiaso talu ai, sa fesoasoani ai lona aiga e faamama le lotu. Sa fiafia o ia e tausi le fale o Iesu. Sa ia lagona le faanoanoa i le faia o se mea leaga i le asō.
“Teineiti, omai ii. Sei o tatou faamamaina,” o le tala lea a Tina. Sa ia maua ni pepa solo . Sa susu ma oa.
Sa olo ese e Valerie ma Lucy ia faailoga vali. Sa amata ona o ese lemu.
“E faigata lenei mea,” sa oi ai Lucy.
Sa toe popo lona tua e Tina. “Ioe, ae e mafai ona tatou faia!”
Sa latou oloina nofoa. Na iu lava ina mama ma iila le uamea.
Sa tilotilo atu Lucy i nofoa mama ma ataata. Sa faanoanoa o ia ona sa ia faia se mea leaga. Ae sa fiafia o ia ona sa mafai ona ia faaleleia ni mea.
Ata na tusia e Mark Robison