Lima Fesoasoani i le Lalolagi atoa
Feiloai ia Alice mai Fiti
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
Mea uma e uiga ia Alice
Tausaga:10
Mai le: Sa soifua mai i Saina ma o loo nofo nei i Fiti
Gagana: faa-Saina ma le Igilisi
Sini ma miti: 1) Avea ma tusiata. 2) Aoao lelei le Igilisi e ala i le faitau e uiga ia Iesu.
Aiga: Tama, Tina, uso, ma le tuagane
O Lima Fesoasoani o Alice
O le tina o Alice o se fomai, ma e a’oa’o e lona tama tagata i le fesoasoani muamua. Sa amata e Alice ma lona aiga se au volenitia a le autalavou e fesoasoani i tagata i la latou eria.
Muamua, sa a’oa’oina e ona matua le silia ma le 100 talavou ma o latou matua i le fesoasoani muamua. Sa fesoasoani foi Alice. Na sosoo ai ma le faapotopotoina e le vaega le silia ma le 3,000 aitema o lavalava mo tagata e manaomia le fesoasoani. Sa latou aoina foi le tele o seevae.
Sa matua faagaeetia leoleo i le lotoifale i la latou galuega. Sa latou tuuina atu i le vaega se laulau i le maketi e fesoasoani ia i latou e faia nisi galuega lelei.
“Matou te talitonu i le Atua,” o le tala lea a Alice. “O lea matou te auauna atu ai i tagata uma!”
O Mea e Fiafia i ai Alice
Nofoaga: O le matafaga
Tala e uiga ia Iesu: Ina ua pa‘i atu le fafine i le motu o tagata i Lona ofu talaloa ma sa faamaloloina
Pese Peraimeri: “Ou Te Fia Avea Nei ma Faifeautalai,” (Tusipese a Tamaiti, 90)
Meaai: Saimini
Lanu: Lanu viole
Mataupu e sili ona fiafia ai i le aoga: Matematika
Ata na tusia e Anthony Lewis