Mai le Au Peresitene Sili

Faatoilaloina o Ou Luitau

President Dallin H. Oaks

Saunia e Peresitene Dallin H. Oaks

Fesoasoani Muamua i le Au Peresitene Sili

Elder Oaks as a young boy looking sad at school

O lo‘u luitau sili lava a o ou laitiiti o le taimi na maliu ai lo’u tama. Sa fitu o’u tausaga.

Sa i ai so‘u tina lelei ma ni matua matutua agalelei. Ae sa maligi le tele o o’u loimata. I le aoga sa ulagia a‘u e tamaiti o la‘u vasega ona sa le mafai ona ou sipela pe lelei tele le matematika. Sa sauaina a‘u e nisi o tamaiti matutua i luga o le pasi a le aoga. Sa ou moomoo maimau pe ana i ai ni a‘u taleni e pei o isi o ni tagata afeleti lelei po o ni tagata pepese lelei.

Ina ua mavae sina taimi, sa amata ona ou maua se lagona lelei. Sa alolofa ma fesoasoani lo‘u aiga ia te a’u. Sa faaauau pea ona ou galue, ma sa lemu lava ona ou lelei i le aoga. Sa ou mauaina foi ni mea sa ou lelei ai. Sa ou galue ia ou lelei atili i na mea. Na fesoasoani le Tama Faalelagi ia te a’u.

Elder Oaks as a young man in a graduation cap

A o tatou tuputupu a‘e, e tofu uma i tatou ma luitau. O nisi o i tatou e i ai se ma‘i po o se manaoga faapitoa. O nisi e matitiva ma e le mafai ona maua se tausiga lelei faafomai po o se aoaoga. O nisi e leaga le taulimaina ona o le lanu o o latou pa‘u po o le mea e o mai ai.

E mafai faapefea ona e faatoilaloina ou luitau?

• Faalagolago i le Tama Faalelagi. Atonu tatou te lagonaina le lotovaivai i nisi taimi, ae e tatau ona tatou faalagolago ia te Ia. E alofa o Ia i Ana fanau ma ua folafola mai e faamanuia i tatou.

• Ia taumafai pea. Ua aoaoina i tatou e le Alii e eseese uma a tatou meaalofa. E mafai ona tatou iloaina a tatou lava meaalofa. Ona mafai lea ona tatou faaaogaina e faaleleia ai o tatou olaga ma auauna atu ai i isi.

Po o le a lava le pogisa pe a mavae le goto ifo o le la, o le a mama pea pe a oo mai le la i luga. E moni foi lena mea mo tatou olaga. Afai e poloka se ala se tasi, e mafai ona tatou vaavaai mo se isi auala. Afai e i ai se mea e foliga mai e faigata tele ona fai, e mafai ona tatou agai i luma ma tuputupu a‘e i ai.

Ou te folafola atu o le a fesoasoani le Tama Faalelagi ia te oe e faatoilalo ou luitau. E alofa o Ia ia te oe ma o le a fesoasoani ia te oe ia avea ma tagata e finagalo o Ia ia avea ai oe.

E Mafai ona Ou Manumalo i Luitau.

coloring page of girl hiking up mountain

“Atonu tatou te lagonaina le lotovaivai i nisi taimi, ae e tatau ona tatou faalagolago i le [Tama Faalelagi]. E alofa o Ia i Ana fanau ma ua folafola mai e faamanuia i tatou. Ia taumafai pea.”

Peresitene Dallin H. Oaks

Page from the March 2022 Friend Magazine.

Ata na tusia e Alyssa Petersen