Një Mesazh Konference nga Profeti

Gjetja e Paqes në Zemrën Tënde

Nga Presidenti Rasëll M. Nelson

Përshtatur nga bisedat “Predikimi i Ungjillit të Paqes” dhe “Fuqia e Hovit Shpirtëror”, Liahona, maj 2022.

Ju dua dhe lutem për ju çdo ditë. Ka shumë vështirësi në botë. Konfliktet dhe pandemia kanë ndikuar te shumë njerëz. Bota ka nevojë për ndihmë.

Jezu Krishti është Princi i Paqes. Ungjilli i Tij është e vetmja mënyrë e qëndrueshme për të gjetur paqe. Tani më shumë se kurrë, kemi nevojë për paqen që vetëm Ai mund ta sjellë.

Ndjekësit e Jezu Krishtit duhet të japin shembullin që ta ndjekë e gjithë bota. Si mund të presim të ekzistojë paqja në botë nëse nuk e kërkojmë paqen në jetën tonë? Askush nuk mund t’i kontrollojë veprimet e të tjerëve. Por ne mund të kontrollojmë veten.

Ju lutemi, bëni gjithçka mundeni për t’u dhënë fund konflikteve në jetën tuaj. Jini të përulur, guximtarë dhe të fortë. Kjo do t’ju ndihmojë t’i falni të tjerët dhe të kërkoni falje kur keni bërë diçka të gabuar. Kërkoni fuqi nga Jezu Krishti dhe Shlyerja e Tij që t’ju ndihmojë.

Jezusi është Krishti! Ai jeton! Ai ju do dhe do t’ju ndihmojë.

konfliktet: argumente ose mosmarrëveshje

“Thirrja ime është t’u jepni fund konflikteve në zemrën tuaj dhe jetën tuaj.”

Presidenti Rasëll M. Nelson

Mbaroje Historinë

Çfarë bën ti kur ndodh një konflikt me vëllanë, motrën, shokun apo shoqen? Zgjidh një nga figurat më poshtë. Pastaj bëj një vizatim ose shkruaj se si mund të gjesh paqe.

Grindja

Marrja e gjërave të të tjerëve

Mujshimi [Bullizimi]

Këshilla për Paqebërësit

• Bëj një pushim për t’u qetësuar.

• Kujto se të gjithë janë fëmijë të Perëndisë.

• Fol me ëmbëlsi.

• Mendo se si ndihet personi tjetër.

• Fol me prindin.

• Lutu.

• Lexo një histori nga shkrimet e shenjta.

• Thuaj “Më fal” ose “Të fal”.

Si Gjej Paqe