Wan Konfrens Mesej we i kam long Profet
Stap Faenem Pis Insaed long Hat blong Yu
We oli karemaot long “Stap Prijim Gospel blong Pis,” mo “Paoa blong Faea blong Spirit,” Liahona, Mei 2022
Mi lavem yufala mo prea from yufala evri dei. I gat fulap samting we oli had long wol ia. Ol raorao mo wol sik ia, i tajem plante pipol. Wol ia i nidim help.
Jisas Kraes Hem i Prins ia blong Pis. Gospel blong Hem i wan wei ia nomo we i stap olwe blong stap faenem pis. Naoia bitim eni taem, yumi nidim pis we Hem nomo i save tekem i kam.
Olgeta we oli folem Jisas Kraes, oli mas soem eksampol blong ful wol i stap folem. ?Olsem wanem yumi ting blong gat pis long wol ia, taem we, wanwan long yumi, i no lukaotem pis insaed long laef blong yumiwan bakegen? I no gat wan i save kontrolem aksen blong ol narawan. Be yumi save kontrolem yumiwan.
Plis, mekem evri samting we yu save mekem blong stopem ol raorao insaed long laef blong yu. Gat tingting i stap daon, gat strong paoa long tingting, mo mas strong. Hemia bae i helpem yu blong fogivim ol narawan, mo bae i helpem yu blong askem man i fogivim yu taem yu mekem wan samting we i rong. Askem paoa we i kam long Jisas Kraes mo Atonmen blong Hem, blong helpem yu.
!Jisas Hem I Kraes! !Hem i stap laef! Hem i lavem yu mo bae i helpem yu.
Finisim Stori
?Wanem nao yu mekem taem i gat wan raorao wetem wan brata, wan sista, o wan fren? Jusum wan long ol pikja andanit ia. Afta, droem wan pikja, o raet abaot wei we yu save faenem pis.
Stap faet
Tekem samting blong nara man
Stap buli
?Olsem Wanem bae Mi Save Faenem Pis?