Tugeta Yumi Folem Jisas
Famli blong mi mo mi i bin livim kakae mo prea tugeta plante taem from kasen blong mi we i sik. Mi tu mi talem prea blong miwan from hem. Mi save se Papa long Heven i harem ol prea blong mifala.
Collin C., i gat 9 yia, Yuta, YSA
Mi save se Buk blong Momon i tru from Tabu Spirit i toktok long mi. Mi glad tumas blong talem long mama blong mi. Hem i haggem mi taet, mo mi bin hapi tumas.
Matias M., i gat 10 yia, Kundinamaka, Kolombia
Famli blong mi i helpem mi blong kasem ol gol blong mi. !Mi lavem famli blong mi!
Robin A., i gat 6 yia, Not Karolina, YSA
Mi bin luk wan boe long skul we hem i stap hemwan. !Mi invaetem hem blong kam fren wetem mi, mo naoia mitufala i ol fren!
William P., i gat 7 yia, Duham, Inglan
Mi mekem ol bea we oli somap long wul, mo givimaot olgeta olsem wan tangkyu i go long ol nes we oli stap tritim ol sikman blong KOVID-19. Mi mi glad blong givim seves long komuniti blong mi.
Emi L., i gat 11 yia, Niu Meksiko, YSA
Long taem blong wol sik ia mi lukluk nomo long wanem we mi save mekem bitim wanem we mi no save mekem. I helpem mi blong kam kolosap moa long famli blong mi mo Jisas.
James S., i gat 9 yia, Mijigan, YSA
Famli blong mi i bin sil long tempol taem mi gat sikis yia. Hemia i mekem mi hapi blong save se famli blong mi i blong taem we i no save finis.
Yoleannys C., i gat 7 yia, Miranda, Venesuela
Rafaela D., i gat 9 yia, Parana, Brasil
Bradley mo Evelyn S., tufala i gat 8 mo 9 yia, Iowa, YSA
Elisa M., i gat 6 yia, Argau, Switselan
Lucy E., i gat 8 yia, Kalifonia, YSA
Avery S., i gat 10 yia, Albeta, Kanada