!Stap Lukaotem Gud Mi!

Page from the May/June 2022 Friend Magazine.

Eksasaes

?Wanem nao fevret aktiviti blong yu blong mekem yu muvmuv?

Sam Tingting

• Traem blong plei aotsaed blong wan smol taem evri dei.

• !Mekem i naes! Gat wan danis pati, plei wan spot, o go wokbaot long bus.

• Sapos yu stap sidaon blong long taem, tekem sam spel blong stretem yuwan mo wokbaot raon.

“[Mo bambae] oli ron mo bae oli no save taet, mo bambae oli wokbaot mo bae ae i no save dak” (Doktrin mo Ol Kavenan 89:20).

Stap Silip Gud

?Wanem nao yu save mekem blong silip gud long naet?

Sam Tingting

• Go silip mo girap long semmak taem evri dei.

• Traem blong gat naen kasem leven aoa blong silip evri naet.

• Ofem ol mobael tul blong yu wan aoa bifo taem blong silip blong mekem se yu save res moa gud.

“Go long bed eli, blong yufala i no save taed” (Ol Doktrin mo Ol Kavenan 88:124).

Stap Kakae Ol Helti Kakae

?Wanem nao ol fevret helti kakae blong yu?

Sam Tingting

• Traem blong kakae ol gudfala kakae we oli balens. (Luk long Ol Doktrin mo Ol Kavenan 89:10–17 blong ol eksampol.)

• Kakae ol swit kakae smosmol nomo, mo traem blong no kakae oltaem.

• Drink plante wota evri dei.

“Evri samting we oli kamaot long graon …blong mekem …bodi i kam strong moa” (Ol Doktrin mo Ol Kavenan 59:18–19).

Stap spel

?Wanem nao yu laekem blong mekem blong stap spel?

Sam Tingting

• Sapos yu wari, harem nogud, o kros, toktok wetem wan adalt we yu save trastem.

• Tekem taem evri dei blong no muvmuv mo stap kwaet.

• Prea long Papa long Heven evri dei. Talem tangkyu long Hem from wanem yu kasem mo wanem yu nidim help long hem.

“Stap kwaet, mo save se mi mi God” (Sam 46:10).

Stap Longwe long Nogud

Sam samting i save damejem bodi blong yumi o mekem yumi adik mekem se i had tumas blong stop blong tekem olgeta. Hemia sam samting we yu save stap longwe long olgeta:

• Tabak

• Kofi

• Sigaret/paep

• Ti

• Ol alkohol drink

• Ol meresin we i no sef long bodi

Pikja droing i kam long Josh Talbot