Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o se mea malie!
Galuega Taulima o Molimau
Mo le Iopu 1–3; 12–14; 19; 21–24; 38–40; 42
Tala: O Iopu o se tamalii lelei. Ona leiloloa ai lea o ana mea uma—o ana manu, lana fanau, ma lona soifua maloloina. Sa faanoanoa o ia, ae sa ia faatumauina lona faatuatua ia Iesu Keriso. Sa ia fai mai, “Ua ou iloa o loo soifua lo‘u togiola” (Iopu 19:25). Sa faamanuia e le Alii ia Iopu mo lona faatuatua.
Pese: “O Lo’o Soifua Lo’u Faaola,” (Viiga, nu. 72)
Gaoioiga: Fai se ata faapipii e faaalia ai lou faatuatua. Vaavaai i mekasini tuai a le Ekalesia ma oti ese ata o mea e te talitonu i ai, e pei o Iesu, le malumalu, po o tusitusiga paia. Ona faapipii lea i luga o se fasipepa ma tautau i luga.
Tusi se Salamo
Mo le Salamo 1–2; 8; 19–33; 40; 46
Tala: Sa tusia e tagata o le Tusi Paia ni pese ma ni solo e vivii atu ai i le Atua. E mafai ona tatou faitau i ai i le Salamo. Latou te aoao i tatou ia faalagolago ia Iesu Keriso.
Pese: “Aoao Mai Ia Ou Savali i le Malamalama” (Tusipese a tamaiti, 70).
Gaoioiga: Faitau le tala mai tusitusiga paia i le itulau e 8. Ona tusi lea o lau lava pese po o se solo e viia ai le Atua! O le gaoioiga o loo i le itulau e 12 e mafai ona fesoasoani ia te oe e amata ai.
O Tala o le Tatalo
Mo le Salamo 49–51; 61–66; 69–72; 77–78; 85–86
Tala: O nisi o Salamo e pei o ni tatalo i le Atua. I le Salamo 86:7, fai mai Tavita, “O le aso e puapuagaina ai a’u, ou te valaau atu ai ia te oe ; aua e te tali mai ia te au, ” Ua aoao mai i tatou e Tavita o le a tali mai le Tama Faalelagi ia tatou tatalo.
Pese: “O Le Tatalo a le Tamaitiiti,” (Tusipese a Tamaiti, 6–7.)
Gaoioiga: Faitau le tala mai tusitusiga paia i le itulau e 36. Faamatala e uiga i se taimi na tali mai ai lau tatalo. Tusi i lalo pe tusi se ata o lau tala. Ona auina mai lea ia i matou i le Uo! Tagai i le faavaa i tua e iloa ai pe faapefea.
Mate mai Po o ai?
Mo le Salamo 102–103; 110; 116–119; 127–128; 135–139; 146–150
Tala: I le Salamo 139:1–3, o loo aoao mai ai i tatou e Tavita e alolofa le Tama Faalelagi ma Iesu ia i tatou ma silafia i tatou taitoatasi.
Pese: “Le Alofa o Lo’u Faaola,” (Tusipese a Tamaiti, 42–43).
Gaoioiga: Tusi igoa o tagata taitasi i luga o se fasipepa laitiiti ma tuu i totonu o se pusa po o se pesini. E sei mai e se tagata e toatasi se igoa. E faaalu e tagata taitoatasi se avanoa e fai atu ai le ioe po o le leai o ni fesili seia mate e se tasi le igoa. Talanoa e uiga i le auala e silafia ai i tatou e lo tatou Tama Faalelagi—lo tatou igoa, mea tatou te fiafia e fai, ma mea uma e uiga ia i tatou.
Ata na tusia e Katy Dockrill