Tusia e Oe
O le Mea Ou te Maua ai le Fiafia
E pei o tagata uma, e i ai ni a‘u sini ma miti. Ou te manao e fesoasoani i tagata, e pei ona sa faia e Iesu. Ou te fia manao e agalelei i tagata uma. Ma ou te fia manao e fiafia e ala i le faia o mea ou te fiafia i ai.
O musika e mafai ai ona ou faia nei mea uma. Ou te auai i musika i le lotu e ala i le pese, taina o le piano, ma ta le vaiolini. Mo se polokalama a le Peraimeri, sa ou taina le piano a o pepese isi tamaiti. Sa tatau ona ou galue ma faataitai soo. Ae sa matou fiafia uma lava e fai. O lo‘u tuagane laitiiti ma lo’u uso laitiiti e fiafia i le musika pei foi o a‘u. O lea ou te fesoasoani ai ia i laua e faataitai a laua mea fai musika. Ma ou te usuina faatasi ma i latou viiga ma pese.
E mafai foi ona ou fiafia e ala i le fesoasoani i le aiga. E auauna atu lo‘u tama i le ami, o lea ou te fesoasoani ai ia Tina e tausia lo’u uso ma lo‘u tuagane. Sa ou faitauina ia i laua tala. Ou te taalo faatasi ma i laua. Ou te faalogo pe a manaomia ona laua talanoa. Ma ou te fiafia e kuka.
O la‘u taifau, o Ricky, e fesoasoani ia te a‘u ia fiafia foi. Sa matou aumaia o ia mai se malutaga. O lea la ua pei o ia o se vaega o le aiga. E mafai ona ou fesoasoani e tausia isi.
Ou te fiafia e auina atu kata o aso fanau i lo‘u aiga ma uo. O lena mea e faafiafiaina ai i latou, ma ou te fiafia ai foi. E ui lava ina ou matamuli laitiiti, ae ou te taumafai lava e fai ni uo fou. Ou te taumafai ia agalelei aua ou te iloa o le mea lena o le a faia e Iesu. Ou te lagona le fiafia pe a ou fesoasoani i isi aua ou te iloa o loo ou mulimuli ia te Ia.
Ata na tusia e Kristin Sorra