O Paionia i Atunuu Uma

Ua Faasaoina e Makerita le Aso

Saunia e Michele Hill

(E faavae i se tala moni)

O le a magoto le vaa! O le a se mea e mafai e Makerita ona ia faia?

Margaret (12 years old) is on a ship during the mid-1800s. She is holding a white wool blanket and taking it to the captain of the ship for him to stuff in the holes in the side of the ship.

Sa tu Makerita i luga o le vaa ma tilotilo atu i fafo i le vasa lanumoana sa siomia ai o ia. Sa luelue le vaa i luga ma lalo i galu tetele.

Na faatau atu e le aiga o Makerita le toetoe lava o mea uma sa tatau ona latou folau ai i le Iunaite Setete. O le malaga o le a alu ai le ono vaiaso. Sa faanoanoa Makerita e tuua lo latou nuu i Uelese. Ae sa fiafia foi o ia i lona nuu fou.

I ni nai masina na muamua atu, sa feiloai ai le aiga o Makerita i faifeautalai mai le O Le Ekalesia a Iesu Keriso o le Au Paia o Aso e Gata Ai. Sa papatisoina Makerita ma ona matua. Ma o lenei o le a latou auai faatasi ma isi Au Paia i Siona.

Sa faigata tele le malaga. Sa ma’i le tina o Margaret. Ma sa ma‘i lona tama mai le tele o tausaga o faigaluega i le maina o le malala. O lea na tausia ai i laua e Makerita. Sa ia tausia foi lona tuagane laitiiti ma lona uso pepe. O se galuega tele. Ae sa lei faitio Makerita.

O nisi taimi e luelue tele le vaa i luga o le vai lea na lagona ai e le manava o Kaleraia le ma‘i. O isi taimi sa fefe o ia. Ina ua fefe o ia, sa ia moeiini ona mata ma ole atu i le Tama Faalelagi mo se fesoasoani.

I se tasi aso na faalogo ai Makerita o alaga. “O loo i ai se tutulu i totonu o le vaa! Ua matou magoto!”

Sa popole tagata uma. Sa ta‘u atu e le kapeteni i tagata uma e sue ni pakete. Sa asu e tagata pakete vai e sasaa i autafa o le vaa.

Sa manao Makerita e fesoasoani. Sa tootuli o ia i autafa o lona moega ma tatalo malosi i le mea sa ia mafaia. “Faamolemole Tama Faalelagi, fesoasoani mai ia te a’u e mafaufau i se auala e fesoasoani ai.”

A young woman named Margaret smiles as she folds her hands in prayer.

Sa faatumulia le loto o Makerita i se lagona toafilemu. Sa ia iloa o loo tali e le Tama Faalelagi lana tatalo. O le a Ia fesoasoani ia i latou.

Ona oso a‘e lea o sona manatu.

Sa ia tosoina mai ni palanikeke papae se lua mai lona moega ma tamoe atu e sue le kapeteni. “Lea,” na ia fai ane ai. “Tuu mea ia i totonu o le pu e taofi ai le tutulu.”

Sa fiafia le kapeteni i le manatu o Makerita. Sa ia faatumu le pu i palanikeke. Ona ia liligi lea o se pakete tele o le ta vevela i luga o i latou(palanikeke). Ina ua maalili le ta, sa poloka ai le tutulu!

“Faafetai lava mo le tuuina atu o ou palanikeke,” o le tala lea a le kapeteni. “O lou mafaufau vave na faasaoina ai le aso.”

Sa ataata Makerita. Sa ia iloa na faafofogaina e le Tama Faalelagi lana tatalo. Sa faatoa amata lana malaga paionia, ma sa ia iloa o le a Ia fesoasoani ia te ia i laasaga taitasi o le ala.

Na o mai uluai faifeautalai i Uelese i le 1840.

O se nuu i Uelese o loo i ai le igoa aupito umi o le taulaga i le lalolagi.

E tele atu mamoe nai lo tagata i Uelese!

Sa 11 tausaga o Makerita Griffiths ina ua papatisoina o ia.

Ina ua tuputupu ae Makerita, sa faaipoipo o ia ma maua se fanau e toavalu.

Sa avea o ia ma peresitene o le Aualofa mo le 26 tausaga.

Page from the August 2022 Friend Magazine.

Ata na tusia e Laura Catrinella