O Mikueli ma le Anufe
Sa fiafia Mikueli e fesoasoani ia Mama i le faatoaga. Sa ia ufiufiina tamai fatu i le palapala. Sa Ia avatu ia i latou sina vai. Ae e le tele naua.
“O loo e faia se galuega lelei,” o le tala lea a Mama. “E le o toe mamao ona tele lea o mea lelei tatou te aai ai.”
Sa ataata Mikueli. E lagona e ia le fiafia e fesoasoani atu.
I ni nai aso, sa faaofiofi mai ni nai tatupu laiti i le palapala. Sa fuiina e Mikueli laau. Sa ia veleina vao sa tupu ae i autafa o i latou. O aso taitasi e ola maualuga teisi ai laau.
I se tasi aso, sa ia vaaia ai se anufe. Sa ou le iloa po o le a le mea a fai. Na le’i manao o ia e faatiga i ai. Ae mata e afaina ai laau? Sa maua e lona aiga le tele o a latou meaai mai le faatoaga.
“Mama, vaai!” Sa tusi atu o ia i le anufe. Sa feminoiai solo i le palapala. “Pe o le a afaina ai laau?”
Na lūlū lona ulu e leai ma ataata. “O anufe e lelei mo le faatoaga.”
Sa tilotilo atu Mikueli i le anufe o eli i le eleele. “O loo faia ni pu i le palapala!” o lana tala lea.
“O le mea lena e tatau ona ia fai. O le talepeina o le palapala ina ia mafai ai ona tuputupu ae ma le malosi ia a‘a. O se tasi o meaola a le Tama Faalelagi. E i ai lona lava faamoemoega faapitoa.” Na kisi atu Tina i le muaulu o Mikueli. “E pei lava ona e faia.”
Sa eli faataamilo e Mikueli ia laau. Sa faaeteete o ia e aua nei faatiga i le anufe. Sa ia vaaia isi anufe. Sa ataata o ia a o latou eliina a latou ana.
Sa fiafia Mikueli i anufe. Sa manao o ia e taulimaina ma le faaaloalo meaola uma a le Tama Faalelagi.
Ata na tusia e Mark Stephens