Nakomai, Iriirai Waaki ni Kakukurei
Ibukin bootakin te utu n te tairiki, kamatebwai ni booki aika tabu, ke tii ibukin te kaungaunga!
Akea te bwai ae e aki kona ni karaoaki!
Karaki: A tangiria ni kan reke natiia Eritabeta ao Takaria, ma e a bon rangi ni kara Eritabeta. N te bong teuana, e tuangaki Takaria iroun te anera bwa e na reke natiia te mmwaane! Natiia te mmwane anne bon Ioane te Tia Babetitio. A reiakinna Eritabeta ao Takaria mairoun te Atua, bwa akea te bwai ae aki konaa n aki karaoia. (Taraa Ruka 1:11–14, 37.)
Anene: “Ana Tataro te Ataei” (Aia Boki n Anene Ataei,12–13)
Te Waaki ni Kakukurei: Kataa te mwakuri ae “kangaanga aio”! Te Moan, kabwaouaa baim are i nuuka nako nanona. Imwiina katokaa baim iaon te taibora, kabaraaka baim. Ngkai kataia tabeka baim are nnen te mwamwa. Imwiina butiia temanna riki bwa e na buokiko n tabeka baim anne ibukim. E kanga Tamam are i Karawa ni buokiko ni karaoa te bwai ae tara ni kangaanga karaoana?
Karakinan Bungian Iesu
Karaki: E bungiaki Iesu Kristo n aia tabo n amwarake maan n te kaawa ae Betereem. A roko taan Kawakin Tiibu, anera ao Mwaane ake a Wanawana bwa a na Nooria. Ko kona ni wareka riki rongorongoia Mwaane ake a Wanawana ni iteraniba 46.
Anene: “Jesus Once Was a Little Child” (Aia Boki n Anene Ataei, 55)
Te Waaki ni Kakukurei: Ikaruoruo n karakina rongorongon bungian temanna kaain am utu. Ko konaa n taekina rongorongona bwa a bungiaki iaa, nningai ae a bungiaki iai, antai aia karo, ke bwaai riki tabeua ae ko ataia ibukin bungiakiia.
Te Ota ni Koaua
Ibukin Ioane 1
Karaki: N taai tabetai ao e taekinaki Iesu Kristo bwa te “ota ni Koaua” (Ioane 1:9). A reireiniira booki aika tabu bwa ti riai ni kawakina Ana tua nako ao n Iriiria. Ngkanne e na reke iroura te “mwaaka n riki bwa natin te Atua mmwaane [ao natina aine]” (Ioane 1:12).
Anene: “Jesus Is My True Light” (iteraniba 23)
Te Waaki ni Kakukurei: Korea tamnein am kouru. Karekea temanna bwa e na karabaa tamneim n te tabo teuana n te ruu ao kamatei ni kabane taura. Karekea ngkai te taura ae uarereke otana ao kaotaa inanon te ruu. Ko kona ni kunea te tamnei ngkai? Maroroakinna bwa e kangaa Iesu Kristo ni buokiko n kakoroa nanon am kouru.
Kawain te Berita ae Tabu
Ibukin Mataio 3; Mareko 1; Ruka 3
Te Karaki: E kawara Ioane are te Tia Babetito Iesu Kristo ni bwabetitoaki bwa E aonga “kakoroa nanon te raoiroi ni kabane” (Mataio 3:15). E bwabetitoaki Iesu ni kaota te katooto n ongotaeka nakon Tamara are i Karawa. Ti kona n ira Iesu man bwabetitoakira naba!
Anene: “Nakomai, Irirai” (Anene n Taromauri, nambwa. 116)
Te Waaki ni Kakukurei: Nakon iteraniba 9 n reiakina taekan kawain te berita ae tabu. Imwiina karaoa te waaki ni kakukurei. N te iteraniba ni katoa namwakaina, ko na reiakina taekan te kakabwaia ibukim ngkai ko iriira te kawai n okirikaaki nakon Tamara are i Karawa!
Kamataata n te tamnei iroun Katy Dockrill