Tei ibukin Iesu

Iroun Mikaela Wilkins

(E boboto i aon te karaki ae koaua)

E nako nanon David ni kabuta te toa n te moan tai.

Panel 1 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

E tekateka n te moan rinan n kaintekateka n tabo n taromauri ao ni kakamwakura rangana. E nako n nano. E a bon tibwa kitana te Moanrinan ao n riki bwa te Rikan. Ataeinimwaane ake a ikawai riki a kaota aron kabutan te toa nakon David ma temanna riki te ataeinimwaane ae 11 ana ririki.

Anuan David man aorakin ao kangaangan ana reitaki e karikia bwa e na kangaanga n tabetai ni reiakin bwaai aika a boou. Kitanan te Moanrinan e bon kangaanga naba ibukina. Ao ngkai kabutan te toa e taraa n rangi ni kakamaaku. Tera ngkana e a karaoa te kairua ao ni ngareakinaki irouia aomata?

Temanna te ataeinimwaane ae ikawai riki, ae Iakobwa, e tekateka ni kaan ma David. “Ti rang kukurei ngkai ko raoniira,” e taku Iakobwa. E anga baina ni katei ake nimaua nakon David. “E na bon tamaroa ae ko na karaoia.”

E moangare David. Anne e anganna riki te namakin ae tamaroa.

Ataeinimwaane ake tabeman a buoka te ataeinimwaane are 11 ana ririki bwa tera ae na karaoia. A kaotia nakoina bwa e na nakea ao te rain raa ae na kabuti toa iai. A kataneiai n nakonako inanon te tabo n taromauri. A kaotia nakoia ataeinimwaane aikai aron uotakin tureen te bwai n toa.

“Tinau, taraia!” E taku David ngke roko ni mwengana. E kawaerakea baina. “Aio aron tauan te turee n toa. Taratara raoi, n aron aio. Ibukina bwa I tei ibukin Iesu, I tangiria ni kaota au karinerine.”

Ataeinimwaane akekei a kataneiei ma David ao ataeinimwaane ake tabeman n te Taabati ao inanon tairikin waaki ni kakukurei. A nakonako n te tabo are a riai n nakonako iai. E kataneiai David aron tauan te turee.

Imwiina, e a roko te tai are e nang kabuta iai te toa te moan tai.

“E kanga am namakin iai?” E titiraki Tamana.

“I bon nako n nano naba,” e taku David.

“Ti na maroroakina aron ake ko a tia ni karaoia ni katauraoiko,” e taku Tamana.

“Taraia, ti na riai ni warekii booki aika tabu ibukin te nakoanibonga n ara utu,” e taku David. “Tauan te nakoanibonga nanona I tei ibukin Iesu. I korei ukini baiu bwa e aonga n tararaoi baiu. Ao e a mwaiti au tai ni kataneiai!”

“I taku bwa ko bwanaa n tauraoi raoi,” e taetae Tamana.

Ngke e roko n te tabo n taromauri, e tekateka David n te moan raain mai imoa irarikiia rikan ake tabeman. E tekateka Iakobwa irarikina. E iangoia David bwa e na kanga n tei ibukin Iesu ngkana e kabuta te toa. Ma tera ngkana e na aki nakoraoi? E taraa Iakobwa, ao Iakobwa e moangare nakoina. Ao E moangare David naba nakoina ao n ikerake.

Ngke e a boo tain kabutan te toa, Iakobwa e buoka David ni kabutii turee n toa n moan rain mai moa. E kukurei David bwa iai ae mena irarikina.

Panel 3 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

E taraia aomata David inanon ana tai ni kabuti toa. A mwaiti ibuakoia ake a tekateka n rau n kabaraaki atuia. Tabeman a taraa n rangi ni iango. E namakina te rau David. E tei ibukin Iesu. E kukurei ngkai e konaa n buokia tabeman ni iangoa Iesu Kristo.

E riki te karaki aei i USA.

Page from the January 2023 Friend Magazine. Representing Jesus

Kamataata n te tamnei iroun Donald Wu