Te Rao nakon te Rao
Ibuobuoki n ana mwakuri Tamara are i Karawa
Iroun Titita Susan H. Porter
Beretitenti ni Kabuta n te Moanrinan
Man te marooro ma Richard M. Romney.
Ko ataia ae ko kaoaki bwa ko na buoka ana mwakuri ae kakawaki Tamara are i Karawa? Te mwakuri anne bon buokaia ni kabane Natina bwa a na okirikaaki ni maeka ma Ngaia (taraa Mote 1:39). Ko konaa n ibuobuoki ngkai ko karaoi aua bwaai: maiuakina, mwannano, kakao, ao katiteuanaia.
Maiuakina ana euangkerio Iesu Kristo. Ko maiuakina ana euangkerio Iesu ngkana ko iriiri ana katooto. Ko konaa n tataro, warekii booki aika tabu ao karaki man booki aika tabu, kabwarai aia bure tabeman, ao kakaea te taromauri.
Mwannano nakoia ake a kainnanoa te ibuobuoki. Ko konaa n tekateka irarikin temanna ae ti ngaia. Ke ko konaa n karekea raoraom ae aoraki ao ni kaungaa nanona.
Kaoiia tabeman bwa a na karekea te euangkerio. Ko konaa n kaoiia raoraom nakon te taromauri ke te waaki ni kakukurei n te Moanrinan. Ko konaa ni kaoiia raoraom nakon am bwabetito.
Katiteuanaia utu ibukin te maiu ae akea tokina. Ko kona ni marooro ma tibum n reiakina rongorongon maiuia. Ko kona n riki bwa te tia raoi ni mwengam. Ko kona ni katauraoiko nakon te tembora.
I berita bwa ko na namakina te kimwareirei ngkai ko kataia ni maiuakina, mwannano, kaoiia, ao ni katiteuanaia ake n te mweenga, n te reirei, ao n te Moanrinan. Tamara are i Karawa e tangiriko! Ao ko kona ni buoka Ana mwakuri ae kakawaki.
Kamataata n te tamnei iroun Augusto Zambonato