Nakomai, Iriirai Waaki ni Kakukurei

Tamnei

A brother and sister play with sticks and dead grass while playing outside.

Ibukin Mataio 1; Ruka 1

Kabwarabwara bwa te Nu Tetemanti bon rongorongon Iesu. Ti reiakina Arana inanon te moan mwakoro (taraa Mataio 1:21). Korea te taeka ae Iesu Kristo iaon te moti ni beebwa ao angan am ataei bwaai ni korotamnei bwa e na katamaroa te beebwa!

Ibukin Mataio 2; Ruka 2

Kaota tamnein te Bungiaki ae tamnein Iesu, Maria, ao Iotebwa. Kabwarabwara bwa Iesu bon te ataei naba ngaia ngkoa. Tuangiia bwa Ana karo a rangi n Tangiria—n ai aron ae ko tangiriia naba. Rabwatiia am ataei aika a uarereke ao tuangiia te bwai ae ko tangiriia iai.

Ibukin Ioane 1

Kairiia am ataei ao nakonako i tinaniku. Tarai karikibwai aika a kamiimi—n aroia aroka, man ni kiba, te ang, ao karawa. Tuangiia bwa a na anai atiibu ke n arokii uee. Tuangiia, “E tangiriko Iesu ao e karika te aonnaba ae tamaroa aio ibukim.”

Ibukin Mataio 3; Mareko 1; Ruka 3

Anenea “When Jesus Christ Was Baptized” (Aia Boki n Anene Ataei, 102). Kabwarabwara bwa Iesu e bwabetitoaki bwa e ongotaeka iroun Tamana are i Karawa. N te bong teuana, a konaa am ataei ake a uarereke ni bwabetitoaki naba! Tuangiia am ataei rongorongon am bwabetito. Bukin tera ngkai e kakawaki iroum?