Te Ururing ma Tibuu te Unaine

Iroun Jane McBride

(E boboto i aon te karaki ae koaua)

Bukin tera ngkai e aki tataona nanona Mari iroun Tibuu te Unaine?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

E mata n nanokaawaki Mari. Tibuu te Unaine e a manga karakina naba te karaki ni kaokia. Manga kaokia naba.

E roko tibuu te unaine ni maeka ma ana utu Mari tabeua te namwakaina n nako. E tatangiria Mari, ma titikuna irarikin tibuu te unaine e kakua n tabetai. E kakaokioka ana karaki n taai nako. N tabetai e a manga moanna mai moana e ngae ngkana e tuai moti ana karaki are e karakinna.

E ikeike n kua Mari. “Tibuu,” e taku, “ko a tia n karakina anne nakoiu.”

E taraa naano tibuna. “I a tia?”

“Eng,” e taku Mari. “Ko a bon tibwa karakina naba anne tabeua te miniti n nako.”

“I aki uringnga,” e taku tibura. E taraa n nanokawaki ao ni aki koaua raoi. Imwiina e teirake ao n karaurau n oki nakon ana ruu.

E nanokawaki Mari ngkai e kauna tibura te unaine. Imwiin maten tibura te unimwaane, E rikirake mwamwaningan tibura te unaine. N te tai are e kitana te titoobu ae maiu, ao e karekea te ura n te umwa ni kuuka. Anne te tai are tamau ao tinau a kaira tibura ni maeka ma ngaia.

E noora tamara Mari n te umwa ni kuuka. “I rangi n tangira tibuu, ma I rangi ni kua n ongora ana karaki aika a okioki naba. Bukin tera e aki kona n uringnga ae e a tia ni karakina anne nakoiu e a kaan nimabwii te mirion te tai okiokina?”

E wingare Tamau. “I bon ataia ae tiaki nimabwi te mirion te tai. Ma I ataia ae e kangaanga anne. Iai aorakin tibum te unaine n ana kaburoro ae karikia bwa e na mwaninga bwaai. Ana karaki bon ana anga ni kataia n uringnga bwa antai ngaia.”

E euta atuuna Mari. Bukin tera e aki riki tataona nanona iroun Tibuna te Unaine? E a ki toki tibuna n akoakoia. E weweteia ngkoa ni weteana ae “Au Mari.” E a iangoa arona ngkoa Mari ngke e buobuoka Tibuna n unikii uee ao ni kouteute n te onaoroka.

E karebwerebwe Mari n ana mataroa Tibuna.

“Namai riin,” e taku Tibuna te unaine.

E kauka te mataroa Mari. E tekateka Tibuna te Unaine n te kain tekateka ma booki aika tabu n tangaina iaon waena.

“Tibuu, taiaoka ko kona n tuangai bwa e kanga Tibuu te unimwane n kaaina te Ekaretia?” E titiraki Mari.

E taraia tibuna te unaine. “Ko kan ongora taekan Tibum te Unimwaane ao ngai?” e titiraki ma te bwanaa n onimaki.

E tekateka Mari irarikin Tibuna te Unaine. “I kang ongo. I tangiria n ongo ni kabane.” E anaa bain tibuna Mari. “Ko bon rangi ni kakawaki irou, Tibuu. Ko bon kakawaki n taainako.”

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

E wiingare Tibura, e tekateka raoi n ana kaintekateka, ao n moana ana karaki.

E a bon tia n ongoongo te karaki n te tai ae bati Mari, ma n te tai aei, e aki namakina te eebu ao te aki rau. N onean mwiina, e a namakina te tangira ao te mimii. E ataia bwa Tibuna te Unaine ao te Unimwaane a tia ni kabanea korakoraia ngke a kaaina te Ekaretia i Tiaman. Tibuna a mwaing man mwengaia ae raroa bwa aonga ni kona ni maeka ni kaan ma kaain te Ekaretia.

E a bane ana karaki Tibuna te Unaine ao ni wiingare. “Bon te aine ae ko tamaroa, au Mari.”

E koona tibuna Mari. “Ko rabwa, Tibuu te Unaine. I tangiriko.”

E riki te karaki aei i Amerika.

Page from the January 2023 Friend Magazine. Remembering with Grandma

Tamnei ni kamataata iroun Melissa Manwill