Feagaiga Fou
Sau, Mulimuli Mai ia te A’u Gaoioiga mo Tamaiti Laiti
Mo le Mataio 1; Luka 1
Faamatala atu o le Feagaiga Fou e faatatau ia Iesu. Tatou te aoao i Lona suafa i le mataupu muamua lava (tagai Mataio 1:21). Tusi upu Iesu Keriso i luga o se fasipepa ma tuu atu i lau tama ni sapalai o mea tusiata e teuteu ai le pepa!
Mo le Mataio 2; Luka 2
Faaali atu se ata o le vaaiga o le Fanau Mai o le Faaola o i ai Iesu, Maria, ma Iosefa. Faamatala atu sa avea foi Iesu ma se tamaitiiti. Ta’u atu ia i latou sa alolofa tele Ona matua ia te Ia—e pei lava ona e alofa ia i latou. Opo faalatalata lau fanau laiti ma ta’u atu ia i latou le mea e te alofa ai ia i latou.
Mo le Ioane 1
Ave lau fanau laiti mo se savaliga i fafo. Vaai i mea ofoofogia i le natura—e pei o laau, manulele, matagi, po o le lagi. Tuu atu i lau fanau e piki i luga maa po o le sogisogi i fugalaau. Ta’u atu ia i latou, “E alofa Iesu ia te outou ma sa foafoaina lenei lalolagi matagofie mo outou.”
Mo le Mataio 3; Mareko 1; Luka 3
Usu le “When Jesus Christ Was Baptized” (Children’s Songbook, 102). Faamatala sa papatisoina Iesu ina ia usitai i le Tama Faalelagi. I se aso, e mafai foi e lau fanau laiti ona filifili e papatiso! Ta’u atu i lau fanau e uiga i lou papatisoga. Aisea na taua tele ai ia te oe?