Uo i le Uo
Fesoasoani i le Galuega a le Tama Faalelagi
Saunia e Sister Susan H. Porter
Peresitene Aoao o le Peraimeri
Mai se faatalanoaga ma Richard M. Romney.
Na e iloaina ua valaaulia oe e fesoasoani i le Tama Faalelagi i Lana galuega taua? O lena galuega o le fesoasoani lea i Ana fanau uma ia toe foi atu ma nonofo faatasi ma Ia (tagai Mose 1:39). E mafai ona e fesoasoani a o e faia ni mea se fa: ola, tausia, valaaulia, ma le lotogatasi.
Ola i le talalelei a Iesu Keriso. E te ola ai i le talalelei pe a e mulimuli i le faataitaiga a Iesu. E mafai ona e tatalo, faitau tusitusiga paia po o tusi o tala o tusitusiga paia, faamagalo atu i isi, ma alu i le lotu.
Tausia o i latou e lē tagolima. E mafai ona e nofo i talaane o se tasi ua tuuatoatasi. Pe e mafai foi ona e valaau i se uo o loo ma’i ma faafiafia i latou.
Valaaulia isi ia talia le talalelei. E mafai ona e valaaulia uo i le lotu po o se gaoioiga a le Peraimeri. E mafai ona e valaaulia uo i lou papatisoga.
Lotogatasi o aiga mo le faavavau. E mafai ona e talanoa i ou matua matutua e aoao ai e uiga i o latou olaga. E mafai ona avea oe ma se e faatupuina le filemu i lou aiga. E mafai ona e saunia oe lava e alu i le malumalu.
Ou te folafola atu o le a e lagonaina le olioli a o e taumafai e ola, tausia, valaaulia, ma ia lotogatasi i le aiga, i le aoga, ma i le Peraimeri. E alofa le Tama Faalelagi ia te oe! Ma e mafai ona e fesoasoani i Lana galuega taua.
Ata na tusia e Augusto Zambonato