Fai ma Suio Iesu

Saunia e Mikaela Wilkins

(E faavae i se tala moni)

Sa popole Tavita e tufa le faamanatuga mo le taimi muamua.

Panel 1 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Sa nofo Tavita i le laina pito i luma o le falesa ma luelue lona vae. Sa popole o ia. Faatoa ia tuua lava le Peraimeri ae avea ma se tiakono. O le a faaali atu e tama matutua ia Tavita ma isi tama e 11 tausaga le matutua le auala e tufa ai le faamanatuga.

O nisi taimi o luitau o le tuputupu ae faaleagafesootai, tautala ma amio masani (autism) o Tavita na faigata ai ia te ia ona aoao ni mea fou. O le siitia ese mai le Peraimeri sa faigata mo ia. Ma o lenei ua foliga mai ua taufaafefe le tufaina o le faamanatuga. Ae faapefea pe afai na te faia se mea sese ma talie tagata uma ia te ia?

Sa nofo Iakopo, o se tasi o tama matutua, i autafa o Tavita. “Ua matou fiafia e faatasi ma oe,” na fai atu ai Iakopo. Sa ia tuuina atu ia Tavita se pati maualuga. “O le a e lelei tele.”

Sa ataata Tavita. O lena mea na ia maua ai sina lagona sili atu.

Sa faaali atu e isi alii talavou i le au ta’i 11 tausaga le matutua le mea e fai. Sa latou faaali atu ia i latou le mea e o i ai ma laina e pasi atu i ai. Sa latou faataitai ona savavali i lalo i alasavali i le falesa. Sa latou faaali atu i tama le auala e uu ai fata o le faamanatuga.

“Tina, vaai!” Na fai atu ai Tavita ina ua ia taunuu i le fale. Sa ia sii i luga lona lima. “O le auala lenei ou te uuina ai le fata. Faaeteete, faapea. Ona o loo ou fai ma sui o Iesu, ma ou te manao e faaali atu lo’u faaaloalo.”

Sa faataitai alii talavou faatasi ma Tavita ma isi tama i le tuua o le lotu i Aso Sa ma gaoioiga i po o le vaiaso. Sa latou savavali i le mea e tatau ona latou o i ai. Sa faataitai e Tavita le uuina o le fata.

E le’i umi, ae oo mai le aso o le a ia tufaina ai le faamanatuga mo le taimi muamua.

“O le a sou lagona i ai?” O le fesili lea a Tama.

“O loo ou popole pea,” o le tala lea a Tavita.

“Ta talanoa i mea ua e faia e saunia ai,” o le tala lea a Tama.

“Ia, ua uma ona matou faitau i tusitusiga paia e uiga i le perisitua o se aiga,” o le tala lea a Tavita. “O le umiaina o le perisitua o lona uiga o a’u e fai ma sui o Iesu. Sa ou otiina o’u atigilima ina ia foliga manaia o’u lima. Ma ua ou faataitaia soo!”

“Ou te manatu ua e saunia lelei,” o le tala lea a Tama.

Ina ua ia taunuu i le lotu, sa nofo Tavita i le laina pito i luma faatasi ma isi tiakono. Sa nofo Iakopo i ona autafa. Sa mafaufau Tavita i le ala e avea ai o ia ma sui o Iesu ina pe a ia tufaina le faamanatuga. Ae faapefea pe afai e sasi pea o ia? Sa tepa atu o ia ia Iakopo, ma sa ataata atu Iakopo ia te ia. Sa ataata atu Tavita ma manava loloa.

Ina ua oo i le taimi e tufa ai le faamanatuga, sa fesoasoani Iakopo ia Tavita e pasi atu le fata i nai atulaina muamua. Sa fiafia Tavita i le i ai o se tasi faatasi ma ia.

Panel 3 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Sa tilotilo atu Tavita i tagata a o ia tufaina le faamanatuga. O le toatele o i latou sa nonofo ma o latou ulu o punonou ma le migao. O nisi sa foliga o mafaufau loloto. Sa lagona e Tavita le toafilemu. Sa fai o ia ma sui o Iesu. Sa faafetai o ia ona sa ia fesoasoani i isi e mafaufau e uiga ia Iesu Keriso.

Page from the January 2023 Friend Magazine. Representing Jesus