Manatuaina faatasi ma Tinamatua

Saunia e Jane McBride

(E faavae i se tala moni)

Aisea na le onosai atili ai Mari ia Tinamatua?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Sa faanonō Mari. Sa faamatalaina e Tinamatua le tala lava lea e tasi. E toe tupu foi.

Na sau Tinamatua e nonofo ma le aiga o Mari i ni nai masina ua mavae. Sa alofa Mari ia te ia, ae o le i ai faatasi ma Tinamatua sa faavaivai tagata i nisi taimi. Sa ia faamatalaina pea lava pea ia tala lava e tasi. O nisi taimi e toe amata ai o ia a o le’i uma ona ia faamatalaina le tala.

Sa mapuea Mari. “Tinamatua,” sa ia fai atu ai, “ua uma ona e faamatalaina mai lena tala.”

Sa tilotilo i lalo Tinamatua. “Na ou faamatalaina?”

“Ioe,” o le tala lea a Mari. “Sa e faamatalaina ia te a’u i ni nai minute ua mavae.”

“Ou te le manatuaina,” na fai mai ai Tinamatua. Sa foliga faanoanoa ma le mautonu o ia. Ona ia tu lea i luga ma toe alu atu i lona potu.

Sa lagona e Mari le faanoanoa ona ua le fiafia Tinamatua. Talu lava le maliu o Tamamatua, sa faateleina le galo o mea ia Tinamatua. O le tasi taimi na ia tuua ai le ogaumu o loo ola, ma amata ai se afi i lona umukuka. O le taimi lena na aumai ai e Tina ma Tama ia Tinamatua latou te nonofo faatasi.

Na maua e Mari ia Tama i le umukuka. “Ou te alofa tele ia Tinamatua, ae ua ou lelava faalogo atu i tala lava e tasi. Aisea na te le manatua ai ua toeitiiti faalimasefulu miliona ona ia faamatala mai lena tala ia te a’u?”

Sa ataata Tama. “Ou te matea e le’i faalimasefulu miliona . Ae ou te iloa e faigata. E i ai se ma’i i le faiai o lou tinamatua lea e galo ai ia te ia mea. O ana tala o lana auala lea e taumafai ai e manatua po o ai o ia.”

Sa punou le ulu o Mari. Aisea na le onosai atili ai o ia ia Tinamatua? Sa masani lava ona taulimaina e Tinamatua o ia ma le alofa. Na te valaau atu ia te ia o “la’u Mari e.” Sa mafaufau Mari i le taimi sa masani ona ia fesoasoani ai ia Tinamatua e toto fugalaau ma vele le togalaau.

Sa tu’itu’i atu Mari i le faitotoa o Tinamatua.

“Sau i totonu,” o le tala lea a Tinamatua.

Sa tatala e Mari le faitotoa. Sa nofo Tinamatua i se nofoa ma tusitusiga paia o loo matala i luga o ona vae.

“Tinamatua, faamolemole ta’u mai pe na faapefea ona e auai ma Tamamatua i le Ekalesia?” O le fesili lea a Mari.

Sa ea a’e i luga Tinamatua. “E te fia faalogo e uiga ia Tamamatua ma a’u?” sa ia fesili atu ai i se leo o le faamoemoe.

Na nofo ifo Mari i talaane o Tinamatua. “Ou te manao i ai. Ou te fia faalogo i mea uma.” Sa uu e Mari le lima o lona tinamatua. “E taua tele oe ia te a’u, Tinamatua. O le a taua pea oe.”

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Sa ataata tinamatua, faalagolago i tua o lona nofoa, ma amata ona faamatala le tala.

Ua tele taimi na faalogo ai Mari i le tala, ae o le taimi lea, na te le’i lagonaina le ita po o le le onosai. Nai lo lena, sa ia lagonaina le alofa ma le maofa. Sa ia iloaina sa tele ni osigataulaga a Tinamatua ma Tamamatua ina ua la auai i le Ekalesia i Siamani. Sa siitia mamao ese ona matua matutua mai lo la fale ina ia mafai ona la nonofo latalata i isi tagata o le Ekalesia.

Sa faauma e Tinamatua le tala ma ataata. “O oe o se teine lelei, la’u Mari e.”

Sa opo e Mari lona tinamatua. “Faafetai lava, Tinamatua. Ou te alofa ia te oe.”

O lenei tala sa tupu i le ISA.

Page from the January 2023 Friend Magazine. Remembering with Grandma

Ata na tusia e Melissa Manwill