“Kam Folem Mi Ol Aktiviti,” Fren, Julae 2023, 6–7.
Kam Folem Mi Ol Aktiviti
Blong famli haos naet o skripja stadi—o blong hapi nomo!
Folem Lida
Ol pikja droing oli kam long Katy Dockrill
Blong Ol Wok 1–5
Stori: Afta we Jisas i ded, oli singaotem Pita blong stap olsem lida blong Jos blong Lod. Yu save ridim stori ia long pej 46 o long Ol Wok 2–3.
Song: “Stand for the Right” (Children’s Songbook, 159)
Aktiviti: Jusum wan man blong stap olsem lida. Letem lida ia i mekem wan aksen (olsem jam jam long wan lek o spin). Ol narawan oli kopi olgeta Taem lida i jenisim aksen, ol narawan oli kopi niufala aksen. Givim janis blong wanwan i kam lida kasem we evriwan i gat wan janis.
Klin Bakegen
Blong Ol Wok 6–9
Stori: Wan man nem blong hem Sol i traem blong distroem Jos blong Jisas Kraes. Afta hem i sakem sin mo jenisim laef blong hem. Hem i kam wan misinari mo tijim pipol abaot Jisas Kraes. Oli save hem olsem Pol. (Luk long Ol Wok 9:1–20.)
Song: “I Know My Father Lives” (Children’s Songbook, 5)
Aktiviti: Karem sam graon long ol han blong yu. ?Yu filim olsem wanem taem ol han blong yu oli toti? Afta, wasem ol han blong yu wetem sop mo wota. Wasem ol han blong yumi i olsem fasin blong sakem sin. From Jisas, yumi save sakem sin mo kam klin bakegen afta we yumi sin.
Misinari Jalenj
Blong Ol Wok 10–15
Stori: Barabas mo Pol oli bin ol misinari (luk long Ol Wok 13:2–4). Olgeta oli bin tijim pipol abaot Sevya. Ol misinari tedei oli tijim pipol abaot Hem tu.
Singsing: “Tell Me the Stories of Jesus” (Children’s Songbook57)
Aktiviti: Jusum wan jalenj long pej 38–39 blong mekem tugeta, olsem stap givim seves long wan neba. ?Olsem wanem nao yu save kam wan misinari naoia?
Wan Pikja blong Yu
Long Ol Wok 16–21
Stori: Aposol Pol i bin tijim se yumi evriwan i ol pikinini blong God. (luk long Ol Wok 17:28–29). Papa long Heven i lavem evri pikinini blong Hem. Hem i bin givim long wanwan long yumi ol defdefren presen mo ol talen.
Singsing: “Mi mi Pikinini blong God” (Children’s Songbook, 2–3)
Aktiviti: Droem wan pikja blong yuwan. Antap, raetem “Mi mi Pikinini blong God.” Raon long pikja, raetem o droem ol samting we yu laekem blong mekem. ?Olsem wanem nao yu save yusum ol talen blong yu blong helpem ol narawan?