“Klab blong Stap Mekem Ol Ting oli Kam Moa Gud ,” Fren, Julae 2023, 20–21.
Hem i Klab blong Stap Mekem Ol Ting oli Kam Moa Gud
Josie i save wan wei we hem i save folem eksampol blong Jisas Kraes.
Stori ia i tekem ples long YSA.
Josie i sidaon wetem kasen blong hem Ashlyn andanit long wan tri aotsaed long haos blong hem.
“Mi wantem tumas sapos i gat wan samting we yumitu i save mekem blong kasem mane,” Josie i talem.
“Maet yumitu save kasem mane taem yumitu stap mekem ol samting blong pipol,” Ashlyn i talem.
“Olsem wanem sapos yumitu mekem i wan klab?” Josie i jam wetem bigfala glad. “Olsem klab blong lukaotem animol blong wan man from mane o klab blong wokbaot wetem wan dog blong mane.”
“Yumi save mekem evri kaen samting ia,” Ashlyn i talem. “Pipol oli nidim help oltaem. Mo bae oli pem yumitu.”
Ashlyn i raet. Evri dei Josie i luk pipol we oli nidim help.
Kwik taem nomo Josie i gat wan nara tingting. Hem i filim wom insaed. Filing ia i mekem hem i tingbaot baptaes blong hem las yia. Hem i promes blong oltaem tingbaot Jisas mo folem eksampol blong Hem. Hem i save wan wei we bae hem i save mekem hemia.
?“Olsem wanem sapos yumitu gat wan klab blong helpem ol pipol fri nomo?” Josie i askem. Wom filing ia i kam strong moa.
Ae blong Ashlyn oli bigbigwan. “Hemia bae i gat gud taem,” hem i talem. “Yumitu save helpem ol pipol long skul mo jos—long eni ples .”
“Yumitu save singaotem, Klab blong Stap Mekem Ol Ting oli Kam Moa Gud!” Josie i talem. “Letem yumitu statem tumoro long skul.”
Nekis dei long brektaem, Ashyln mo Josie tufala ron i go long en blong fil blong pleplei.
?“Yu yu luk eni wan we yumitu save helpem hem?” Ashlyn i stanap long en blong ol fingga blong leg blong hem mo lukluk i go long jea blong renbo ski.
“No yet.” Josie i lukluk long swing blong mangki mo ol nara swing. Ol pikinini oli stap ski mo swing. Oli stap pleplei long ol balong mo stap jam jam long ol rop. I nogat wan i luk olsem se hem i nidim help. Evriwan i luk olsem se oli gat wan fren. Afta hem i luk wan yangfala gel we i stap jam jam long rop hemwan nomo.
Josie i holem han blong Ashlyn. !“Luk long we!”
Josie mo Ashlyn i faenem ol rop mo wokbaot i go long gel ia.
“Halo. Mi mi Josie.”
“Mo mi mi Ashlyn. ?Wanem nem blong yu?”
Gel ia i sapraes. “Mi mi Leslie.”
“?Yu wantem pleplei wetem mitufala?” Josie i holem rop blong jam jam antap.
Leslie i smael. “!Yes!”
Ashlyn mo Josie i tijim Leslie sam niufala wei blong jam long rop. Taem bel i ring, oli talem tata. Josie i filim gud insaed. Hem i save se hem i Tabu Spirit.
Afta long hemia, oltaem taem Josie mo Ashlyn i luk Leslie long korido, tufala i talem halo long hem.
Josie mo Ashlyn i lukaotem moa pipol blong helpem olgeta. Samtaem tufala i talem ol naes samting long pipol mo traem blong mekem olgeta oli hapi. Sam nara taem tufala i invaetem ol nara pikinini blong pleplei wetem tufala.
Wan dei, Josie i smael long wan boe aotsaed long skul. “Mi laekem daenoso set blong yu,” hem i talem.
Boe ia i smael smol mo luk daon long set blong hem. “Tangkyu.”
!Taem Josie i sidaon, hem i luksave se hem i nogat tingting ia nating blong mekem blong klab! Hem i jes mekem nomo.
Josie i tingbaot evri fren we hem i bin gat long taem ia we hem mo Ashlyn i statem klab blong tufala. Josie i laekem tumas blong stap helpem pipol. I mekem hem i wantem blong mekem moa naes samting blong nara man. Klab blong Stap Mekem Ol Ting oli Kam Moa Gud i mekem hem i kam moa gud. Mo i mekem hem i filim gud.
Ol pikja droing i kam long Tania Rex