“Benjamin i Tokbaot Famli Histri.,” Fren, Julae 2023, 36–37.
Benjamin i Tokbaot Famli Histri.
Benjamin i blong Buenos Aeres, Ajentina. Mifala i askem hem sam kwestin abaot famli histri.
?Olsem wanem nao yu stat blong mekem famli histri?
Mi stat blong mekem famli histri wetem papa blong mi. Mitufala i mekem tugeta evri Sandei. Papa blong mi i tijim mi olsem wanem blong yusum FamilySearch. Mi mas praktis mo praktis. Naoia mi mekem famli histri wetem papa blong mi o kasen blong mi Jasmina.
?Wanem nao yu laekem moa abaot famli histri?
Mi laekem faenem niu pipol blong ademap long famli tri blong mi. Faswan, mi faenem ol olfala rekod. Afta mi lukaotem ol nem blong ol pupu blong mi. Mi faenem deit we oli bon long hem mo weaples oli bon long hem. Mi faenem ol nara ples we oli stap long hem.
?Wanem nao yu lanem abaot ol pupu blong yu?
Mi bin lanem se mi gat ol pupu blong Itali mo Jermania. !Wan long ol pupu blong mi blong Itali i gat semmak nem olsem brata blong mi! Brata blong mi nem blong hem i “Santiago,” we hem i “Giacomo” long lanwis blong Itali. Mi lanem tu se ol las nem blong mifala oli bin raetem i defren bifo.
?Olsem wanem nao yu helpem nara pipol blong mekem famli histri?
Mi helpem apu woman blong mi blong yusum FamilySearch. Mi tijim hem olsem wanem blong ademap ol memori. Mi helpem hem tu blong ademap ol pipol we oli nogat long famli tri blong hem. !Sam long ol famli blong hem oli gat plante nem! I tekem longtaem blong putum nem blong olgeta i go insaed. Be mi bin hapi tumas we mi save helpem hem blong lanem blong yusum FamilySearch, olsem we papa blong mi i bin helpem mi.
?Wanem famli projek nao yu wantem mekem afta long hemia?
Mi wantem mekem ol vidio blong ol fren mo famli blong mi, blong helpem olgeta blong lanem olsem wanem blong yusum FamilySearch. Taem mi bin stat, mi bin lanem plante samting. Mi wantem blong tijim ol nara pipol blong oli save mekem semmak samting.
Ol pikja droing i kam long Laura Zarrin