“Nakoia Raoraora Kairake aika Tangiraki,” Te Rao, Aokati 2023, 1.
Nakoia Raoraora Kairake aika Tangiraki,
Ara kantaninga bwa ko na kukurei n te maekatiin ae e onoti man te Rao. Taekana ni kabane bon te bwabetitoaki ao te kamatoaaki.
Ngkana ko a tibwa tia n bwabetitoaki, ti butimwaaiko bwa kaain Ana Ekaretia Iesu Kristo ibukiia Aika Itiaki ni Boong aika Kaitira ae boou!
Ngkana ko bwabetitoaki, ko ira ana banna ni katoto ara Tia Kamaiu, Iesu Kristo. Ko berita bwa ko na ururingnga te Tia Kamaiu ao n kawakinii Ana tua. Berita aikai a aranaki bwa berita aika a tabu. Ngkana ko a tia ni kamatoaaki, ko karekea ana bwaintituaraoi te Tamnei ae Raoiroi. Te Tamnei ae Raoiroi e kona n anganiko te rau, kairiko ao kaunga nanom inanon maium.
Ngkana arona bwa ko a kaman bwabetitoaki, ti kaungako bwa ko na ururingnga te berita ae tabu are ko karaoia ngke ko bwabetitoaki ao n kataia n iriira Iesu ni katoa bong.
Ngkana ko tuai bwabetitoaki, ara kantaninga bwa ko na katauraoiko man reiakinan ae bati ibukin te mwaneka ae kakawaki aio.
Ti rangi ni kakatonga iroumi ni kabane. Ti ataia bwa e taratarai ngkami Tamara are i Karawa. E rangi n tangiri ngkami, ao ti tangiri ngkami naba.
Te Moan Beretitentii