“Ana Bong ae Kakaawaki Giorgia,” Te Rao, Aokati 2023, 8–9.
Ana Bong ae Kakaawaki Giorgia
“E kaan au tai ni bwabetito,” e taku Giorgia. “Ni bon aekan naba Iesu ngkoa!”
E riki te karaki aei i Aotiteria.
E biri n waerake Giorgia nakon ana ruu ma Matilda ni kaan mai bukina. E bon rangi ni kaakaunga kanoan ana bong ngkana e roko raoraona n takakaro.
“Ti kona n takakaro ma am robot?” E titiraki Matilda.
“Eng!” E taku Giorgia. Bon teuana mai buakon baika e tatangirii ni karaoi.
Ngke e kaotinakoa te robot Giorgia, Matilda e tarai tamnei iaon ana oo Giorgia. E kotea te tamnei are i nuuka.
“Tera ae aio?” e titiraki.
“Aio bon tamnein Iesu Kristo ngke e bwabetitoaki,” e taku Giorgia. “Ao ngai e a kaan au tai ni bwabetito. N ai Arona ngkoa!”
“E aera ngkai ko nang bwabetitoaki?” E titiraki Matilda.
“Ibukina bwa I kan iriira Iesu,” e taku Giorgia. “Ngkana I bwabetitoaki, anne te bwai ae I berita bwa N na karaoia!”
Ngkanne e a reke ana iango Giorgia. “Ko aki kan roko n au bwabetito?”
“N na tuanga tinau ngkana I kona,” e taku Matilda.
Ana bong ni bwabetito Giorgia e a rang ni kaan. E wareware man ana boki ni karaki man Booki Aika a Tabu ao e nako n te Moanrinan ni katoa wiiki. Imwiin ana tataro imwain matuuna, e taraa tamnein Iesu. E rangi n tangiria n iangoia bwa aekara aron te bwabetitoaki.
Te Tabati imwain ana bwabetito, e a intawiiunaki Giorgia ibukin ana bwabetito. Neiei ma ana karo a marooro ma te bitiobi n ana aobiti. E titirakinaki titiraki tabeua ni buokia bwa e na kakoaua raoi bwa e bon tauraoi n nakon te bwabetitoaki.
“Ko kakoaua ae Iesu Kristo bon Natin te Atua?” e titiraki.
E bon kakoauaa! “Eng,” e taku.
E wiingare nakoina te bitiobi. Te bwabetito bon te rinerine ae rangi ni kakawaki. “Ko tangiria ni kan bwabetitoaki?”
Giorgia e iangoa mwaitin tangirakin Iesu ao e tangiria ni kan Iriiria. “Eng!” e taku.
N tokina, e a roko ana bong ae kakaawaki Giorgia. Ngke e tibwa rin inanon te ran, e nooriia raraona ma kaain ana utu bwa a mataku. E bon roko naba Matilda!
Ngke e taekina tataron te bwabetito tamana, taekana ake e atongi e angan Giorgia te namakin n rau ao te kukurei. Ngkanne e a karaua n katebonakoa iaan te ran ao ni manga kawaerakea naba ngkekei. Ngke e a otirake, e namakina te kukurei ao te itiaki.
Tamana e anganna te inga ae korakora. Tinana e bon taningaia mai etan te kaintamwarake ma ana taara ao te wiingare.
E namakina te rau inanona Giorgia. Bon te bong ae onoti. E a tia n rineia bwa e na ira Iesu. Ao e tangiria bwa e na teimatoa n Iriiria ni katoabong!
Kamataata n te tamnei iroun Shana Keegan