Tina Kanga N Tataro?

Te tataro bon arora n marooro ma Tamara are i Karawa. E tangiria n taainako ni kan ongora mai iroum, ao E kakauongo n taainako. E kaekai am tataro n kawai aika bati. E kona n anganiko te wirikiriki, ke te namakin, mai iroun te Tamnei ae Raoiroi. Ke E kona n wirikirikina temanna bwa e na buokiko.

Aron te Tataro

• Kamakiia matam, kabaraaka atuum, ao bootii baim.

• Waakinna man atongan, “Tamau are i Karawa.”

• Taetae nakon Tamam are i Karawa ma te karinerine ao te rau.

• Motikia man atongan, “N aran Iesu Kristo, amen.”

• Ko kona n tataro n kanenea bwanaam ke n am iango, n te tai are ko baireia.

Aikai tabeua bwaai ake ko kona n tataroakinna:

• Karabwa Tamam are i Karawa ibukin baika ko kakaaitau iai.

• Tuangnga baike a kangaanga ke a raoiroi ake a riki n am bong anne.

• Bubutiia buokam ngkana ko maaku ke ngkana ko aki ataa te bwai ae kona karaoia.

• Bubutiia bwa E na kakabwaiaa temanna are e kainnanoa te ibuobuoki.

I karabwako te Atua.