Kar jeje jān Kwe

Waini ko im Juon M̧ōttan Jon̄oul

Jān Avehei M., 11 iiō, Tahiti, French Polynesia

alt text

Iakwe! Eta in Avehei. Ij jokwe ilo Tahiti. Ilo āne eo āneeō, em̧m̧an ippa pād nam̧ōj. Ij etetal aittok im tutu ilo reba im lo̧jet. Ebar em̧m̧an ippa kōm̧m̧ani men ko ippāņ baam̧ļ eo aō. Em̧m̧an ippa kōmat, ikkure kaaj, im etetal aittok. Em̧m̧an ippa ikkure kōn bo̧o̧ļ im tallōn̄i wōjke ko ippān ļōm̧aro jeiū im ro rilikū.

Ilo iien kakkije in jōm̧ar, ij jerbal ippān ļeo jeiū ilo jikin juon bukin ni. Kōmij aiini wainin ko im ejouji ippān doon ilo juon jokā ekilep. Kōmij barāinwōt ain kimej ko remej bwe bukun eo en erreo wōt.

alt text

Eo jimmam̧-jim̧m̧aam̧ ej kōļļāik kōm n̄e kōmij jerbal ilo bukin eo. Ij aolep iien kōļļā aō juon m̧ōttan jon̄oul kōn jāān eo ij bōke. Iaar ekkatak jān baam̧le eo aō im rūkaki ro aō ilo Būraimere ekōjkan kōļļā juon m̧ōttan jon̄oul.

Ij kōļļā juon m̧ōttan jon̄oul kōnke ijeļā bwe baam̧le eo aō im n̄a rej jeraam̧m̧an n̄e ij pokake. Ij jeraam̧m̧an kōn baam̧le eo aō, juon em̧, im juon laļ eo eaiboojoj ipeļakū.

Ijeļā bwe Anij emour im bwe E ej iakwe eō. Ij kam̧m̧oolol Jemedwōj Ilan̄ kōn baam̧le eo Eaar letok n̄an eō.

alt text

Ta in Juon M̧ōttan Jon̄oul?

Membōr ro an Kabun̄ in rej kōm̧m̧ane juon m̧ōttan jon̄oul in jeraam̧m̧an eo aer n̄an Kabun̄ eo an Anij. Juon m̧ōttan jon̄oul eo ad ej jipan̄ kalōk tampeļ ko im m̧ōn jar ko im jipan̄ armej ro rej pād ilo aikuj. Juon m̧ōttan jon̄oul ej juon wāween jej kwaļo̧k kōjeraam̧m̧an ko ad n̄an ro jet. Anij eaar letok n̄an kōj kien in etto, iien ko ilo Kallim̧ur M̧okta (lale Jenesis 14:18–20). Kōļļā juon m̧ōttan jon̄oul ej juon wāween n̄an kwaļo̧k ad iakwe n̄an Jemedwōj Ilan̄.

alt text here