“Itok, Ļoor Eō M̧akūtkūt ko,” Eo Jera, Nob 2023, 10–11.
Itok, Ļoor Eō M̧akūtkūt ko
N̄an nokon in jota ak ekkatak jeje ko rekwojarjar—ak n̄an baj kam̧ōņōņō!
Jisōs Kraist ej Ad Tōl
Ilo Hibru 1–6
Kōmeļeļe ko jān Katy Dockrill
Bwebwenato: Jisōs Kraist ej “ri tōl n̄an lo̧mo̧o̧r eo [ad]” (Hibru 2:10). Juon kapen ej tōl juon wa ilom̧aļo. Jisōs emaron̄ bar tōl kōj n̄an lan̄ bwe jemaron̄ mour Ippān juon raan!
Al: “Ij Aikuij Yuk Aolep Awa” (Al, no. 8)
M̧akūtkūt Jin̄aik juon wa ioon ņo ko. Innām je ak kōnono kake wāween ko kwomaron̄ ļoor Jisōs Kraist. Elmen An tōl eok ilo mour eo am̧?
Ro rebun̄bun̄ ilo Tōmak
Ilo Hibru 7–13
Bwebwenato: Jeje ko rekwojarjar rej ba bwe tōmak ej meļeļe in tōmak ilo men ko kwojjab maron̄ loi Hibru 11:1). Hibru 11 ej kwaļo̧k bwebwenato ko rellōn̄ kōn armej ro ekar ewōr aer tōmak. Tōmak ilo Jisōs Kraist ej letok n̄an kōj aenōm̧m̧an im peran.
Al: “Faith” (Children’s Songbook, 96–97)
M̧akūtkūt: Bōk kuņaan doon kāālet juon pija eo ebun̄bun̄ jān Hibru 11. Aolep rej aikuj kajjitōk kajjitōk ko n̄an kajjidedeiki eo ebun̄bun̄. Elmen am̧ maron̄ bōk tōmak āinwōt armej ro ilo jeje ko rekwojarjar?
M̧akūtkūt eo kōn Ipeer Nee (Service Shuffle)
N̄an James
Bwebwenato: Rijilōk Jemes eaar kwaļo̧k bwe jej aikuj jipan̄ ro rej pād ilo aikuj (lale Jemes 1:27). Wōn ej aikuji jipan̄ eo am̧?
Al: “When We’re Helping” (Children’s Songbook, 198)
M̧akūtkūt: Iaekwōj! Kōm̧m̧ane juon ļain in ijjino im kōjjem̧ļo̧k. Innām em̧m̧akūtļo̧k n̄an ļain in kōjjem̧ļo̧k eo ilo am̧ kōm̧akūt neem m̧aanļo̧k ilo am̧ jab kotake. Eo ewiini iaekwōj eo ej kāālet juon jerbal in jipan̄ epidodo n̄an kumi eo n̄an kōm̧m̧ane, āinwōt jilkinļo̧k juon ennaan ejouj n̄an juon armej ak loļo̧k juon armej me ej make iaan.
Jipan̄ n̄an Rūtto ro Jibūd im Jim̧m̧ad.
Ilo 1 im 2 Piter
Bwebwenato: Ro jibūd im jim̧m̧ad remaron̄ katak kōn gospel eo ālkin aer mej (lale 1 Piter 4:6). Ilo tampeļ, jemaron̄ peptaij kake er im jipan̄ er ļoor Jisōs Kraist!
Al: “Family History—I Am Doing It” (Children’s Songbook, 94)
Makūtkūt: Kōjerbal būļak ko ak juka n̄an kajutak juon tampeļ. Elmen am̧ maron̄ kōppopo n̄an deļo̧n̄e tampeļ?
Lelo̧k Iakwe
Ilo 1–3 Jon; Jude
Bwebwenato: Jemedwōj Ilan̄ ej iakwe kōj aolep! Rijilōk Jon eaar katakin kōj n̄an barāinwōt iakwe ro jet (lale 1 Jon 4:19, 21). Ekōjkan am̧ maron̄ kwaļo̧k iakwe n̄an ro jet?
Al: “Where Love Is” (Children’s Songbook, 138–39)
M̧akūtkūt: Etaļ n̄an peij 12 n̄an kōm̧m̧ane loob (heart). Innām leļo̧k loob ko n̄an armej ro kwoj iakwe er!