“Karōk eo Ekabwilōn̄lōn̄ an Jemedwōj Ilan̄,” Jera, Nob. 2023, 2–3.
Juon Ennaan an Kweilo̧k eo jān Rikanaan eo
Karōk eo Ekabwilōn̄lōn̄ an Jemedwōj Ilan̄
Kar ukōtļo̧k jān “Ļōmņak kōn Selestiall!” Liaona Nob. 2023, 115–17.
Karōk eo an Jemedwōj Ilan̄ n̄an kōj ekabwilōn̄lōn̄. Ta eo jej kōm̧m̧ane ilo mour in elukkun aorōk. Pinmuur eo an Rilo̧mo̧o̧r ej ta eo ej kōm̧m̧an an pidodo karōk eo an Jemed.
Rilo̧mo̧o̧r ekar en̄taan bwe en jipan̄ kaenōm̧m̧an kōj, kōmour kōj, im lo̧mo̧o̧ren kōj ilo iien aikuj ko. Kōn Pinmuur eo ejjeļo̧k jem̧ļo̧k an Jisōs Kraist, karōk eo an Jemedwōj Ilan̄ ej juon karōk eweppān. Ej kōm̧m̧an bwe kajjojo iaad en kālet ekōjkan ad naaj mour.
Ij karuwaineneik kom̧ n̄an jino “ļōmņak kōn selestial”! N̄e ewōr juon am̧ jorrāān, ļōmņak kōn selestial! N̄e kwoj ioon mālijjon̄ kōn kapo, ļōmņak kōn selestial! N̄e mour ak ro rejitōnbōro rej likjab kōn ijo koņaer, ļōmņak kōn selestial!
Ilo am̧ ļōmņak kōn selestial, kwonaaj kōņaan jar emakijkijļo̧k im m̧oolļo̧k. Kwonaaj lo mālijjon̄ ko ilo juon meram kāāl. Ilo am̧ ļōmņak kōn selestial, tōmak eo am̧ enaaj ļapļo̧k.
Anij ej mour. Jisōs ej RiKraist eo. Kabun̄ eo An kar kōjepļaaktok n̄an kōjeraam̧m̧an aolep ajri ro nejin Anij.
Ļōmņak kōn Selestial!
Būreejtōn Nelson ekar katakin bwe ļōmņak kōn selestial emaron̄ jipan̄ kōj kōm̧m̧ani kāālet ko rem̧m̧an. Ilo kajjojo aļ, jin̄aik ak je ta eo kwomaron̄ kōm̧m̧ane n̄an ļoor waanjon̄ak eo an Rilo̧mo̧o̧r.
Itok n̄an Jisōs, jān Michael Malm