Nuuj ko an Kweilo̧k eo

Kout ko an Kweilo̧k eo

“Gospel eo an Jisōs Kraist ej juon karōk me ej kwaļo̧k n̄an kōj ekōjkan n̄an erom ta eo Jemedwōj Ilan̄ ej ikdeelel bwe jen erom.”

Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon

“Jisōs ej RiKraist eo. E ej ad Rilo̧mo̧o̧r, ad Ripinmuur E ej eo m̧ōttad em̧m̧an tata.”.

Būreejtōn M. Russell Ballard, Ripenej Jenkwan Būreejtōn eo an Doulul eo an Jon̄oulruo Rijilōk ro.

“Kōn Jisōs Kraist, aolep men remaron̄ em̧m̧an.”

Sister Amy A. Wright, Rikakpilōklōk eo Kein Kajuon an Būreejtōnji eo Eutiej an Būraimere

Alooje Kweilo̧k eo ipeļaakin Laļ in

Kōn oktak in awa, kōmij alooje m̧wen̄an ko an jibbon̄ an kweilo̧k eo ilo jota. Kōm kar m̧ōņōn̄ō ke Būreejtōn Nelson ekar kōjjeļā kōn tampeļ ko rekāāl!

Sofia D., 11 iiō dettan, Bratislava Region, Slovakia

Kōmij m̧aanjabpopo n̄an kweilo̧k eo ilo am etal im wia kamaoļal ko im kakkūje bwe kōm jab kiki ilo lukwōn kweilo̧k eo. Kōmij jar āinwōt juon baam̧le n̄an meļeļe im riiti jeje ko rekwojarjar. Aolep iien ij lem̧ōņōņō n̄an ron̄jake juon rikanaan emour im ron̄ naan an Anij.

Runakorwashe S., 7 iiō dettan, Southern Region, Malawi

Alooje kweiļo̧k eo ekar kōm̧m̧an aō kōņaan epaakeļo̧k Jisōs Kraist. E ej Seperd eo Em̧m̧an, im E ej kea kōn kōj, sip ko An. Jet iien jej etal etoļo̧k jidik jen ial eo, bōtaab aolep iien E ej itok n̄an pukōt kōj.

Efrain C., 9 iiō detta, San Juan Province, Argentina

20 Tampel ko!

Ekar wōr 20 tampeļ kāāl ko kar kōjjjeļā kaki ilo kweilo̧k eo! Kōjerbal juon map n̄an pukōt jikin eo an tempeļ eo ekāāl. Kōļare jikin eo ilo laajrak in tampeļ eo n̄e kwoj lo kajjojo.

Savai’i, Samoa

Cancún, Mexico

Piura, Peru

Huancayo, Peru

Viña del Mar, Chile

Goiânia, Brazil

João Pessoa, Brazil

Calabar, Nigeria

Cape Coast, Ghana

Luanda, Angola

Mbuji-Mayi, Democratic Republic eo an Congo

Laoag, Philippines

Osaka, Japan

Kahului, Hawaii, USA

Fairbanks, Alaska, USA

Vancouver, Washington, USA

Colorado Springs, Colorado, USA

Tulsa, Oklahoma, USA

Roanoke, Virginia, USA

Ulaanbaatar, Mongolia

Juon M̧ōttan Jon̄oul im Joortak ko

Ilo kweilo̧k eo, jaar katak jet iaan wāween ko Kabun̄ in ej kōjerbal jāān in juon m̧ōttan jon̄oul ko ad im men ko liļo̧k n̄an kōjeraam̧m̧an armej ro aolepān laļ in!

• Iiō eo ļo̧k, eļōn̄ļo̧k jān 1 pilien tala in US ko kar kōjerbali n̄an kōjeraam̧m̧an ro raar pād ilo aikuj.

• Bar 54 milien jāān in US ko kar jipan̄ m̧am̧a ro im ajri ro ilo aikuj.

• Juon M̧ōttan Jon̄oul eo ej jipan̄ elōn̄ļo̧k jān 71,000 mijenede ro rej jerbal ilo 414 mijen ko.

• Juon M̧ōttan Jon̄oul eo ej barāinwōt lolorjake 30,000 jarlepju in rijar ro ilo 195 laļ ko im territory ko

Katak ko kōn Mour jān Rikanaan eo

Būreejtōn Nelson ekar tōpar 99 an iiō ilo iiō in! Ilo kōnono eo an, ekar kwaļo̧k jet iaan katak ko ekar katak ilo epakeļo̧k 100 iiō ko in an mour. Etal n̄an peij 2 n̄an riiti ta eo ekar katakin.