“Em̧m̧anļo̧k Jān juon Raan in Kaminene,” Jera, Nob. 2023, 14–15.
Em̧m̧an jān juon Raan in Kaminene
Kōrā in eaar jab em̧m̧an piktokin. Ismael emaron̄ke jipan̄?
Bwebwenato in ekar bōk jikin ilo Bolivia.
Ismael ekar ettōn̄ dikdik ke eaar diwōj nam̧ōjļo̧k n̄an det eo. E im Papá raar tōn etal n̄an paak eo. Ke rej etetal, Ismael eaar jibwe pein Papá im jibwe bo̧o̧ļ in football eo nejin. Ismael eaar kōņaan joļo̧k iien ippān Papá—eļaptata iien eo rej ikkure football!!
Ke rej tōparļo̧k paak eo, Ismael eaar reito reitak. Juon kōrā ekar jepjep ujooj turin māļaaj in jikin ikkure football eo. Juon baam̧le ekar etetal ilo jikin etetal eo. Ak ejjeļo̧k en ekar ikkure ilo meļaaj in football eo. Ismael im Papá ekar ļap jikin aerro kaminene!
“Kopojak ke in ikkure?” Papá ekar kajjitōk.
“Aaet!” Ismael ekar ettōr jon̄an wōt an maron̄ n̄an lowaan meļaaj eo. Ekar kōm̧m̧ani zigzag kōl ko, penalty kiik ko, im ikiik ko jān kona.
Papá eaar lukkuun juji bo̧o̧ļ eo. Eaar kajju kelak ioon bōran Ismael!
“Inaaj bōke.” Ismael ekar ba Eaar ettōrļo̧k ilo kona eo imeļaaj eo n̄an bōk bo̧o̧ļ eo. Eaar lo kōrā eo ekar de kūbwij bwidej eo. Ereitok in mōk.
“Inaaj kiiō goalie,” Papá eaar ba. “Lale eļan̄n̄e kwomaron̄ kōm̧m̧an poin!”
Ismael eaar ettōr likļo̧k im juji bo̧o̧ļ eo n̄an goal eo. Papá eaar etto̧ļļo̧k n̄an kabōjrake bōtaab ekar jidik wōt an likjab jān e.
“Goaaaal!” Ismael ekar m̧ōņōņō ilo an bo̧o̧ļ eo deļo̧n̄e net eo.
Ejjab to juon awa liko ekar mootļo̧k. “Eiien Ro̧o̧l n̄an m̧weo,” Papá eaar ba
Ismael eaar reilikļo̧k n̄an kōrā eo ekar jepjep ujooj. Jerbal ilo det ejjab kalimomo in āinwōt ikkure football, ekar ļōmņak. Ekar kōņaan kam̧ōņōņō kōrā eo. Innām ekar wōr juon an ļōmņak.
“Papá, kwoj ļōmņak kōrā en em̧m̧an an kōm̧m̧ane jerbal en?” Eaar kajjitōk.
“Ta?” Papá eaar reilo̧k n̄an kōrā eo. “Ah, aaet.”
“Ij ļōmņak jej aikuj etal im ba n̄an e!” Ismael eaar ba.
“Ekwe, jej aikuj ekkairir n̄an m̧weeo. M̧amá ej kōttare kōj,” Papá eaar ba.
Ismael eaar lale an kōrā eo iir demen. En̄jake eo n̄an kōnono ippān eaar kajoorļo̧k. “Ij lukkuun en̄jake bwe jej aikuj,” Eaar ba Eaar jibwe pein Papá im jibadōkļo̧k e.
“Iakwe in jibbon̄, kōrā eņ,” Ismael eaar ba ilo an jeaļ.
Kōrā eo eaar jab reilo̧k. “Ta eo kwoj kōņaan?”
Ismael emaron̄ kar kile ke liin ejjab lukkuun m̧ōņōņō. Bōtaab eaar jab kabōjrak e. “Ij kōņaan ba n̄an eok bwe ke kwoj kōm̧m̧ane juon jerbal em̧m̧an!”
Iien in kōrā in eaar reilōn̄ļo̧k n̄an e.
Ismael eaar ettōn̄ dikdik. “Kom̧m̧ool kōn am̧ kōjparok baak in!”
Kōrā eo eaar bar ettōn̄ļo̧k. “Kom̧m̧ool!” liin eaar ba. Innām eaar ļapļo̧k an ettōn̄ dikdik. “Kolukkuun in em̧ool.”
Ismael ekar m̧ōņōņō ke eaar etetal ļo̧k n̄an m̧weo ippān Papá.
“ij ļōmņak ta eo kwar ba ekar aorōk n̄an liin,” Papá eaar ba “Ij m̧ōņōņō bwe kwar ron̄jake en̄jake eo ippam̧.”
“Bar n̄a.” Ismael ekar ļōmņak jidik. Innām eaar ba, “kwoj ļōmņak ekar jān Jetōb Kwojarjar?”
Papá eaar emajidjid. “Jet iien Jetōb Kwojarjar eo ej letok n̄an kōj juon ļōmņak n̄an jipan̄ ro jet. Im en̄in ej lukkuun ta eo kwar kōm̧m̧ane.”
Ismael eaar ettōn̄ dikdik. Kōnono n̄an kōrā eo ekar juon men edik, bōtaab ekar kōm̧m̧an bwe raan eo an liin en em̧m̧anļo̧k. Ron̄jake Jetōb Kwojarjar eo ekar kōm̧m̧an bwe raan eo an lein en em̧m̧an barāinwōt!
Kōmeļeļe ko jān Jennifer Bricking