Kaukauwa ena iVola i Momani

Mai vei Peresitedi Russell M. Nelson

Tauri mai ena “The Book of Mormon: What Would Your Life Be Like without It? Liaona, Nov. 2017, 60–63; kei na “Na Marama’ Era Vakaitavi ena Vakasokumuni Isireli,” Liaona, Nov. 2018, 68–70.

Niu vakasamataka na iVola i Momani, au vakasamataka na vosa mana.. Na dina ena iVola i Momani sa tu kina na mana me veivakabulai, veivakacegui, veivakalesui, veivakaukauwataki, veivaqaqacotaki, veikaroni, ka vakamarautaka na yaloda.

Na iVola i Momani . . .

E Dua Tale na ivakadinadina kei Jisu Karisito. E vuqa na parofita era a vola na veika oqo era a raici Jisu Karisito. Na iVola i Momani e oka kina na ivakadinadina me baleti Koya.
E ivolatukutuku ni Nona veiqaravi vei ira na tamata mai Amerika ena gauna makawa.
Dina!

Au sa sureti kemuni moni wilika na iVola i Momani. Nio wilika, au vakauqeti iko mo makataka na tikina yadua e tukuna se vakatakila tiko na iVakabula. Ena yaco mo voleka yani Vua ena cakacaka oqo. Na veisau, vakakina na cakamana, ena tekivu me yaco.

Kunei Jisu ena iVola i Momani

A sureti keda o Peresitedi Nelson meda vakasaqara na yaca i Jisu Karisito ni da wilika na iVola i Momani. E levu tu na yaca i Jisu ena ivolanikalou. Oqo eso na ka o rawa ni vakasaqara!