“Moce ena Gauna ni wili iVolanikalou,” iTokani, Janu. 2024, 30–31.
Moce Gauna ni iVolanikalou
E dina ga ni dau vakayacori vakamataka caca, e kila o Elvira ni yaga sara na wiliki ni ivolanikalou.
A yaco na italanoa oqo e Norway.
A yadra cake mai o Elvira ki na domoi Ta. “Gauna ni volanikalou,” e kaya o koya.
A dabe cake mai ena idavodavo ka qilia na matana mocemoce. Se butobuto tu ga e tautuba. Ka qai batabata! A sega ni vinakata o Elvira me biuta na nona idavodavo katakata.
E kaya o tinaqu ni wilika ni ivolanikalou na sala mera na kilai Jisu vakavinaka cake kina. Ia e dredre na wili ivolanikalou ena veimataka!
A gole yani vakamalua o Elvira kina ikabakaba ka dabe tikivi tuakana, o Sigrid, ena idabedabe. Mokota na ilokoloko ka kabi volekata na nona itutuvi katakata. Erau a tiko ena dua tale na rumu na tacina ena nodrau kalasi ni semineri ena initaneti.
Taqiri na talevoni nei Ta. A sauma o koya, ka ra qai vakaraitaka na lewe ni matavuvale ena sikirini. A vakaisulu ka vakarau tu o Nei Liv me cakacaka. Na tavaledrau, o Dorthea, e se tiko ga ena nona isulu ni moce, me vakataki Elvira.
A vakabula vei rau o Elvira ena vidio ka lamawa sara. Era dau vakayacora na gauna vakaivolanikalou vata kei Nei Liv kei Dorthea. Erau vakaitikotiko ena dua tale na tikina mai Norway ka va na auwa na kena yawa. A rawarawa sara vei ira kece mera wilika na ivolanikalou ni sa nodra takete me ra veiqiriti e veisiga. Ka taleitaka o Elvira me raici tavalena!
Ni oti e vica na miniti, a lewena talega o Tinaqu na qiri. “Bula,” a kaya o koya. A lako tiko vaka cakacaka ena macawa oqo, ia e sega ni calata me qiri ena gauna ni wili ivolanikalou vakamatavuvale.
Ratou masu. A qai dolava o Elvira na nona ivolanikalou. Erau a wilika vata tiko na iVola i Momani. Era dau veivukevuke ena wilika na veitikina.
A vakarorogo o Elvira ni ra wilika na kena vo, ia a dredre me yadra tiko. Sa moce tale o Sigrid ena idabedabe. Tavi koya o Elvira. Ia a qai dreta na nona vakasama e dua na ka ena tikina oya.
“Ka’u a raica e dua na itautauri kaukamea, ka a dodo muria na bati ni uciwai, ka basika mai ki na vunikau ka’u tu yani kina.” Wilika o Dorthea.*
“Au kila na italanoa oqo.!” E kaya o Elvira. “Oqo na tadra nei Liai.” E raica o koya e dua na vidio ni ivolanikalou me baleta na ka oqo. A tiko e dua na vunikau totoka kei na vuanikau vulavula, ka ra taura tu na tamata na ititoko me vukei ira me ra yacova rawa.
“O nanuma tiko beka na cava e tautauvata kei na titoko?” a taroga o Tinaqu.
“Na ivolanikalou?”
“Donu vinaka!” A kaya o Tamana. “E vakatavulica e muri o Nifai ni itautauri e vaka na vosa ni Kalou. O nanuma vakacava ni rawa ni da taura na ititoko me vakataki ira na tamata ena tadra nei Liai?”
“Keitou sa taura tiko oqo na itautauri!” A taura cake o Elvira na nona iVola i Momani. “Ni sa yaco mai na gauna ni ivolanikalou.”
A deguvacu o Na. “Nida wilika na ivolanikalou, eda na toro voleka yani vei Jisu Karisito. Me vakataki ira ga na tamata era volekata na vunikau ni bula ni ra taura na itautauri. ”
Ni rau wiliwili tikoga, a raitayaloyalotaki koya o Elvira ni toqova tiko na ititoko ka taubale yani ki na vunikau totoka. Sa sega tale ni via moce o koya.
Sa kena gauna sara me ratou sa gole yani. Sa gauna ni cakacaka vei Nei Liv kei Tinaqu. Kei Elvira, Sigrid, kei Dorthea me ratou vakavakarau ki vuli.
“Moce, kemudou!” Yaloyalo o Elvira kina nona matavuvale ena sikirini. “Lomani iko!”
Ni cici sobu tiko me vakavakarau ki koronivuli, a vakila o Elvira na katakata ni lomana. Ka sega ni baleta na itutuvi katakata. Sa kila o koya ni yalo oqo sai koya na Yalo Tabu ka tukuna vua ni dina na iVola i Momani. Sa dua na sala cecere me tekivu kina na siga!
Droini mai vei Hector Borlasca