Sa Rawa Mo Vakayacora na Veisau

Mai vei Peresitedi Susan H. Porter

Peresitedi Raraba ni Lalai

Mai na dua na veivakatarogi vata kei Olivia Kitterman kei Rachel Peterson.

E Rau lomani iko na Tamada Vakalomalagi kei Jisu Karisito. Baleta ni Rau lomani iko, Erau sa sureti iko mo cakava na veiyalayalati, se yalayala, vata kei Rau. O sa tekivu cakava na yalayala oqori ena gauna o papitaiso kina.

Ni oti na nomu papitaiso, ona ciqoma na isolisoli ni Yalo Tabu. O sa lewena na Lotu i Jisu Karisito ni Yalododonu Edaidai. Sa kena ibalebale oqo ni Tamada Vakalomalagi e nuitaki iko mo maroroya na nomu veiyalayalati.

Na cava o rawa ni cakava vaka e dua na lewe ni Lotu mo maroroya na nomu veiyalayalati? E rawa nio kidavaki ira na tani kina Lalai. E rawa nio dabe tikina e dua e vou kina lalai ka vukei ira mera vulica na sere. E rawa nio veivuke ena itaviqaravi ni Lalai. Sa rawa talega mo liuliu ena nomu matavuvale. Sa rawa mo kerea me caka na masu vakamatavuvale se wasea na veika o sa vulica ena Lalai.

Nio sa ciqoma oti na Yalo Tabu, sa rawa nio raica na nodra gagadre na tani ena dua na sala vou. E rawa nio masu vua na Tamada Vakalomalagi ka kaya, “Vukei au meu kila o cei au rawa ni vukea nikua.” Sa na qai rawa ni vukei iko na Yalo Tabu mo raica e dua e dabe duadua tiko se tukuna vei iko mo vakabula vua e dua na itokani. O na vakayacora e dua na veisau levu nio digitaka mo vukei ira na tani. O sa lewena tiko na Lotu ni Tamada Vakalomalagi!

E lomani iko na Tamada Vakalomalagi. E vinakata o Koya mo veiliutaki ena nomu ivakaraitaki ena vanua cava ga o lako kina mo kauti ira mai vakavoleka na tani ki Vua. E sega ni tukuni mo cakava ga vakataki iko. Ena sega vakadua ni mudu na Nodrau vukei iko na Tamada Vakalomalagi kei Jisu Karisito. E rawa nio yalodei baleta nio kila ni Rau sa tiko vata kei iko. E rawa nio raitayaloyalotaki Jisu ni tucake tu e yasamu.