“Na Ulutaga ni Veivakauqeti ni Pateta Caquru,” iTokani, Janu. 2024, 14–15.
Na Veivakauqeti ni Pateta Jokeliti
A vakila o Maya e dua na yalo kaukauwa me raica na veitikina.
Na italanoa oqo a yaco mai AMERIKA.
E cebeta o Maya na strawberries ka kuria kina beseni ni vuanikau. Na vuata e kena kakana taleitaki. E dau taleitaka na dui roka ramase taucoko. Ka sega vakadua ni leqataka me kania!
E levu na kakana e sega ni rawa ni kania o Maya. E dau qaqarauni sara baleta ni kania na kakana cala ena rawa ni vakatauvimatetaki koya. Ni se gone lailai, a gunuva eso na sucu ena vakacalaka ka vakaleqa na nona icegu. E gole kina valenibula. E sega ni vinakata o koya me yaco tale.
Ena so na gauna e dau dredre me kania na veika duidui mai vei ira na nona itokani kei na matavuvale. Ia e kila o koya ni bibi me taqomaki tikoga.
A kauta yani o Maya na vuanikau kina ivatavata. “Sa vakarau tu na salad.”
A rai cake o Ta mai na kuro e vakasaqa tiko kina. “Totoka! Sa voleka mai na nodatou vulagi.”
A rogoca o Maya e dua na tukituki e katuba ka cici me dolava. Eratou a matadredredre yani vua na matavuvale na Johnson kei rau na daukaulotu mai na varada. Erau itokani ni matavuvale na Johnson. A marau o Maya me raici iratou tale. A dolava na katuba me ra curu mai.
Nodratou waraka tiko na vakayakavi, a vakaraitaka e dua vei rau na daukaulotu e dua na cakamana. A sega ni kila rawa se a dreta vakacava mai daligana na ilavosiliva!
Sa kena gauna sara me ratou vakayakavi. A masu o Baraca Johnson. Era sa qai tuvai mai me ra vakatawana na nodra peleti.
Ni sa vuki o Maya, a taura e dua na dina levu ni vuanikau salad. A ulabaleta yani eso na kakana e kila ni tiko kina na sulu.
A qai tomika cake e dua na taga levu ni pateta caquru ka sovaraka eso ki na nona peleti. E vaka na irairai ni dua na papteta caquru e sa kania oti e liu. A biuta e dua e gusuna.
Ia ni sa tekivu me kania, a vakila o koya e dua na ivakatakila kaukauwa. Me raica na lisi ni veitikina eso ni taga, a rogoca e dua na domo ka kaya
Sa rauta nomu mama toka qori. A raica o koya na lisi ni veitikina eso ena taga. E tiko ena pateta caquru oqo na sucu!
A taura o Maya e dua na itavoi ka kasivita mai tuba na pateta caquru ena kena totolo duadua. E tonawanawa na wai ni matana. Sebera ni se tiloma. Ia ena yaco beka e dua na ka ca?
“Na! “Ta!” A cici yani o Maya vei rau na nona itubutubu. “Au biuta e dua na pateta caquru ka tiko kina na sucu e gusuqu!”
“Sa o okoya,” a kaya o tinana. “Au na solia vei iko eso na wainimate.” A tiloma o Maya na vuanikau a solia vua o Na ka mai vica yani na icegu titobu. A tauri Maya o Ta ni rau waraka tiko me cakacaka na wainimate.
Ni oti e vica na miniti, a kaya o Na, “Na cava o vakila?”
Se rere tikoga o Maya. Ia e sega ni dua na ka e vakacalai ena yagona. “Au kila au sa vinaka. Ia e rawa niu masulaki?”
“Io, e rawa,” a kaya o Ta. “Me kerei o rau na daukaulotu me rau veivuke.”
A dabe toka o Maya ena dua na idabedabe, ka rau a biuta na ligadrau e uluna o Ta kei rau na daukaulotu. Eratou a vakalougatataki koya me taqomaki. Sa ruru mai na yaloi Maya. Sa yali kece na nona vakanananu ca.
“O kila vakacava mo dikeva na veigacagaca ena taga?” A taroga o Na.
“Au a vakila e dua na ivakaro mai vua na Yalo Tabu!”
E mokoti koya vinaka sara o Ta. “Au marau dina ni o vakarorogo.”
Vaka io o Maya. E kila o koya ni lomani koya na Tamada Vakalomalagi ka kauwaitaki koya.
Droini mai vei Chrisanne Serafin