“Na Cava e tiko ena Nomu Vakasama?” iTokani, Janueri 2024, 42.

Na Cava e tiko ena Nomu Vakasama?

Niu sa tuva na takete, au sa na guilecava na veika baleti ira. Meu na yaco vakacava kina noqu takete?

—Yacovi ni Takete e Reykjavík

Kivei Na Yacovi ni Takete,

Kakua ni leqataka: Ni sa yaco mai mo tuva ka guilecava na takete, o sega ni tu taudua. Oqo e dua na ka era sotava tiko e vuqa na tamata. Eda vinaka taucoko ena noda tuva na noda itakete. Na yacovi ni takete oqori—sai koya oqori na tikina dredre. Oqo eso na taro me vukei iko!

Loloma yani,

Na iTokani

Tadra na ka lelevu ia tekivu vakalalai. Sa dua na ka cecere mo bolei iko kina. Ia mo nanuma tiko ni lalawa lalai e kaukauwa talega. “Raica na ka lalai ka beci ena tubu mai kina na ka levu” (Alama 37:6
Vakatabakidua. “Au na veivuke e vale.” Oqo e dua na takete VINAKA ia, e sega ni matata. “Au na veivuke e vale ena noqu biuta laivi na noqu veika e veisiga.” Oqo e dua na takete cecere dina. E vakatabakidua. E dua na ituvatuva.
Wasea na nomu takete. Veivosakitaka na nomu lalawa kei na dua na itubutubu, qasenivuli, se itokani. Kerei ira me ra tokoni iko. Ena so na gauna ni tiko e dua me dikeva ka vakacegui iko sai koya na veivakauqeti o gadreva.
Cakava na veivakananumi. Kevaka o vinakata mo nanuma tiko na nomu takete, vola sara. Biuta e dua na ilavelave ni nomu takete o na raica ena veisiga. Rokataka vinaka ka daunibulibuli!
Mo vakabauta. “E dodonu meda vakabauta tiko na Kalou,” e kaya o Peresitedi M. Russell Ballard. “Meda duavata yani vei noda Turaga o Jisu Karisito. Ia isa, e bibi meda vakabauta keda tiko.”^* O Rawa Ni Cakava! Na vukei iko na Kalou.