“Na Takete ni Wiliwili,” iTokani, Janu. 2024, 36–37.
Na Takete ni Wiliwili
E sega ni taleitaka o Anders na wiliwili e cake.
Na italanoa oqo a yaco mai AMERIKA.
A vakarorogo o Anders vei ganena ni wilika tiko na ivolanikalou vakamatavuvale. A tovolea me vakamuria toka ena nona tebeleti. Ia e dau dredre me muria tikoga na nona vakasama na vosa yadua.
E dau dredre toka na nona wiliwili o Anders. Ena yabaki sa oti, a raica ni sa dyslexia. Na Dyslexia e dua na vakaleqai ni vuli ka dredre kina na wiliwili. Na nona mona e wakia vata na vosa kei na ivola, ka lade na matana ena tabana ni tovolea me wilika.
Sa qai wilika oti o ganena na nona tikina, ka wilika sara o tuakana na kena e tarava. Ia a sega ni wilika o Anders. E sega ni taleitaka o koya na wiliwili e cake. Na cavuti ni vosa lelevu ena nona teveli a vukea vakalailai. Ia a cata na kena berabera ka sakasaka na nona wiliwili. A vakayacora e vuqa na cala! A cakacaka vakaukauwa sara o koya me baleta e dua na ka ka vaka me rawarawa vei ira kece tale eso.
Ni sa oti na wiliwili, eratou sarava na matavuvale nei Anders e dua na vidio. Me baleta na parokaramu ni Gonelalai kei na iTabagone
“Lalawataka na nomu takete koya na vakaukautaki iko,” a kaya o Elder Gong ena vidio. “Vakaraica na taledi vovou, veika taleitaki kei na kila maqosa eso.”*
E vakasamataka o Anders na takete e rawa ni tuvanaka. E rawa beka ni vulica o koya na ivakarau me buli kuki kina. Se qito soka vakavinaka cake!
A qai raica na iVola i Momani ena teveli. Na vinaka cake ni wiliwili e sega ni vaka e dua na takete taleitaki. Ia e vinakata o koya me rawa ni wili ivolanikalou vata kei na nona matavuvale.
“Au kila na cava au vinakata meu rawata,” a kaya vei Ta.
“Na cava oya? A taroga o Ta.
A taura cake o Anders na iVola i Momani. “Au vinakata meu wilika e cake e dua na tikina mai na iVola i Momani ena veisiga.”
“Oqori e vaka e dua na takete cecere,” a kaya o Ta. O via tekivu i na ica?
“Ena gauna sara ga oqo!”
A lako kina nona rumu o Anders ka sogota na katuba. E sega ni vinakata e dua me rogoci koya. A qai cega na nona iVola i Momani. A qai vakaraitaka e so na vosa, ia a taura ga e dua na miniti me vakaotia na imatai ni titika. E sega ni ca sara oya, e nanuma o koya.
E wilika o Anders na ivolanikalou e veisiga. E sega ni rawarawa! A sega ni vakila ni sa vinaka cake tiko mai. Ia e cakacakataka tiko ga.
Dua na siga e koronivuli, a kaya o nona qasenivuli, “Wow! Au sega ni vakabauta na totolo ni veika o vulica tiko.”
Rai cake o Anders mai na nona cakacaka. “E dina?”
Vaka io o qasenivuli. “O sa vinaka cake tiko vakalevu.”
Era raica sobu na vosa ena nona pepa o Anders. A rawarawa sara na nona wiliwili mai na kena e liu. Na nona takete me vakatovotovotaka na wiliki ni ivolanikalou a vukei koya sara mada ga me vuli e koronivuli.
Ni sa lesu mai vale, sa cici cake sara me wilika na nona ivolanikalou. Ni raica na tabana, e se caqiri wavoki tu ga na vosa. Ia rawarawa sara me vakasamataki na ka era tukuna.
A marautaka vakalevu o Anders na vuli ivolanikalou vakamatavuvale ena bogi o ya.
“I, Ta,” a kaya o koya. “E rawa beka niu veivuke meu wiliwili nikua?”
Dredre o Ta. Au taleitaka mo wiliwili!
E vakamuria vakavinaka sara o Anders ni ra wilika yadua e dua na tikina o ira na tacina kei na ganena. Ni sa yaco mai vua, a wilika vakamalua na tikina o ya me vakadeitaka ni sa donu na veivosa yadua. Ni oti nona wiliwili, a rai cake. E ratou sa matadredre kece vei koya.
E dina ga ni sega ni dau wilivola vinaka sara o koya, e vakila o Anders ni dokai koya. E kila o koya ni gauna e cakacaka vakaukauwa kina, ena dau tu ga e kea na Tamada Vakalomalagi me vukei koya.
Droini mai vei Kelly Smith